فيفي عبده بدون حواجب في أحدث ظهور لها.. تعزي جورج وسوف بهذه الكلمات

فيفي عبده بدون حواجب ومكياج في أحدث ظهور لها يثير الجدل، حيث ظهرت فيفي عبده وهي توجه تعزيتها للفنان جورج وسوف الذي فجع بوفاة ابنه وديع منذ أيام قليلة.

فيفي عبده تعزي جورج وسوف

ونشرت فيفي عبده عبر حسابها بموقع إنستجرام، فيديو لها بدون مكياج وهي تعزي جورج وسوف، وقالت: «مش عارفة أوصف حزني على ابن حبيبنا وحبيب الوطن العربي والأوروبي جورج وسوف، معلش يا حبيبي كلنا لها ودي الحقيقة الوحيدة اللي في الدنيا وربنا يديك على قد غلاوته صبر، والله كلنا قلبنا فيه نار عشانك يا أبو وديع».

 

View this post on Instagram

 

A post shared by Fifi Abdou (@fifiabdouofficial)

وفاة وديع جورج وسوف

جدير بالذكر أن وديع جورج وسوف رحل عن عالمنا منذ أيام قليلة، بعد أن كشفت الصحفية اللبنانية هنادي عيسى حالة وديع جورج وسوف قبل وفاته في تصريحات تلفزيونية لها، قائلة: «كل شيء حدث بسرعة منذ 48 ساعة حيث كتب بعض المشاهير مثل إليسا ومايا دياب عبر حساباتهم في مواقع التواصل الاجتماعي أن هناك شخص يعز عليهم يحتاج لفصيلة دم O+».

وتابعت هنادي عيسى كلامها عن وديع جورج وسوف : «سأل الجمهور لمن هذا الشخص لكنهم لم يجيبوا، وبعد ساعات كتبوا أنه تم توفير الدم، وبعد بحث اتضح أنه وديع جورج وسوف.. ما حدث أن وديع خضع لعملية تكميم معدة قبل 8 أيام».

جورج وسوف ونجله وديع

تصريحات فيفي عبده

أثارت فيفي عبده  ضجة واسعة بتصريحاتها الأخيرة خلال الساعات الماضية، بعد أن وجهت رسالة لكرستيانو رونالدو بجانب كشفها قصة السبع موجات.

قالت فيفي عبده في رسالتها للاعب الكرة كريستيانو رونالدو: «زعلانة منه عشان متجوزش جورجينا لحد دلوقتي، أنا بحبع وطيب جدًا وحنون قوي على الأطفال».

تابعت فيفي عبده في تصريحات تلفزيونية لها: «طريقة كيداهم هى حقيقة تركيبتي وشخصيتي، وعملت شخصية كيداهم بطريقتي الطبيعية، ومتعودة لما أروح البحر لازم اقرأ قرآن وأنا واقفة قدامه».

وفيما يخص قصة السبع موجات، علقت قائلة: «عشان أغسل همومي بنزل سبع موجات في البحر من غير نفس. لما قعدت فترة من غير شغل رحت قدام البحر ودعيت ربنا لقيت المنتج بيكلمني».

نصائح فيفي عبده

نصائح فيفي عبده للسيدات أصبحت حديث مواقع التواصل الاجتماعي، حيث قالت: «مفيهاش حاجة لما حماتك تاخد مفتاح الشقة طالما بنية سليمة، مفيش حاجة اسمها جوزك يوصل صاحبتك عشام ممكن تكون بترسم عليه».

واستكملت قائلة: «أى زوج اتجوزته كنت بعامل أمه زى أمي بالظبط، والست مينفعش تقول أسرار بيتها لأى حد مهما كان، كويس إن الرئيس عمل قوانين جديدة للزواج عشان الراجل يدفع قبل ما يتجوز وميستهترش بالموضوع، وأنا طلبت الطلاق عشان زوجي علّى صوته عليا قدام صحابه، بلعب مع جوزي كوتشينه على فلوس عشان أعرف بخيل ولا سخي».

وقالت فيفي عبده أيضًا: «حلي مشاكلك مع جوزك في الأوضة واديله فرصه أكتر من مرة وفي الآخر دخلي أهله، الراجل بتعجبه الست اللي بتطلع عينه ويتعب عشانها عشان يعرف قيمتها، وحياتي اتغيرت للأحسن بعد مسلسل كيد النسا والدنيا اتفتحت».

أسرار فيفي عبده

وتابعت: «بقيت بطلع للناس من غير حواجبي عشان كانوا بيذلوني بعد حلقتي مع رامز، ومش بستحمل أعمل تاتو على جسمي، وعايزة أعمل ميكروبليدنج بس خايفة».

من بين أسرار فيفي عبده أيضًا، أنها قالت: «شخصيتي قوية، لكن الراجل هو سي السيد ولما يبقى ملوش لازمة مش هيملى عنيا، والمفروض نستغل السوشيال ميديا في حاجات مهمة مش في الفضايح».

فيفي عبده

وأضافت فيفي عبده في كلامها: «لو الراجل اتهان منك أو اتجرح مش هيرجعلك تاني، ونسب الطلاق ارتفعت جدًا، والراجل لازم يكون متزن وسي السيد جوه البيت وبره عشان يملى دماغي، 2022 كان مرها أكتر من حلوها، وأختين ماتوا ورا بعض».

وعن أمنيتها في السنة الجديدة، علقت: «نفسي في 2023 يجيلي فيه ورق كويس وأقدم حاجة مختلفة مش تقليدية، ودخلت التيك توك عشان أقول للناس إني عايشة بعد شائعات وفاتي، واتحسدت وكل ما أخرج أى خروجة أرجع أنام بعدها 20 يوم».

فيفي عبده: بظهر من غير حواجبي بسبب رامز جلال والراجل بيحب الست اللي تطلع عينه

فيفي عبده : «أنا هتجنن نفسي أعرف ليه الناس بتحبني الحب ده»