فيفي عبده: بظهر من غير حواجبي بسبب رامز جلال والراجل بيحب الست اللي تطلع عينه

أثارت فيفي عبده  ضجة واسعة بتصريحاتها الأخيرة خلال الساعات الماضية، بعد أن وجهت رسالة لكرستيانو رونالدو بجانب كشفها قصة السبع موجات.

تصريحات فيفي عبده

قالت فيفي عبده في رسالتها للاعب الكرة كريستيانو رونالدو: «زعلانة منه عشان متجوزش جورجينا لحد دلوقتي، أنا بحبع وطيب جدًا وحنون قوي على الأطفال».

تابعت فيفي عبده في تصريحات تلفزيونية لها: «طريقة كيداهم هى حقيقة تركيبتي وشخصيتي، وعملت شخصية كيداهم بطريقتي الطبيعية، ومتعودة لما أروح البحر لازم اقرأ قرآن وأنا واقفة قدامه».

وفيما يخص قصة السبع موجات، علقت قائلة: «عشان أغسل همومي بنزل سبع موجات في البحر من غير نفس. لما قعدت فترة من غير شغل رحت قدام البحر ودعيت ربنا لقيت المنتج بيكلمني».

فيفي عبده

نصائح فيفي عبده

نصائح فيفي عبده للسيدات أصبحت حديث مواقع التواصل الاجتماعي، حيث قالت: «مفيهاش حاجة لما حماتك تاخد مفتاح الشقة طالما بنية سليمة، مفيش حاجة اسمها جوزك يوصل صاحبتك عشام ممكن تكون بترسم عليه».

واستكملت قائلة: «أى زوج اتجوزته كنت بعامل أمه زى أمي بالظبط، والست مينفعش تقول أسرار بيتها لأى حد مهما كان، كويس إن الرئيس عمل قوانين جديدة للزواج عشان الراجل يدفع قبل ما يتجوز وميستهترش بالموضوع، وأنا طلبت الطلاق عشان زوجي علّى صوته عليا قدام صحابه، بلعب مع جوزي كوتشينه على فلوس عشان أعرف بخيل ولا سخي».

وقالت فيفي عبده أيضًا: «حلي مشاكلك مع جوزك في الأوضة واديله فرصه أكتر من مرة وفي الآخر دخلي أهله، الراجل بتعجبه الست اللي بتطلع عينه ويتعب عشانها عشان يعرف قيمتها، وحياتي اتغيرت للأحسن بعد مسلسل كيد النسا والدنيا اتفتحت».

فيفي عبده

أسرار فيفي عبده

وتابعت: «بقيت بطلع للناس من غير حواجبي عشان كانوا بيذلوني بعد حلقتي مع رامز، ومش بستحمل أعمل تاتو على جسمي، وعايزة أعمل ميكروبليدنج بس خايفة».

من بين أسرار فيفي عبده أيضًا، أنها قالت: «شخصيتي قوية، لكن الراجل هو سي السيد ولما يبقى ملوش لازمة مش هيملى عنيا، والمفروض نستغل السوشيال ميديا في حاجات مهمة مش في الفضايح».

وأضافت فيفي عبده في كلامها: «لو الراجل اتهان منك أو اتجرح مش هيرجعلك تاني، ونسب الطلاق ارتفعت جدًا، والراجل لازم يكون متزن وسي السيد جوه البيت وبره عشان يملى دماغي، 2022 كان مرها أكتر من حلوها، وأختين ماتوا ورا بعض».

فيفي عبده

وعن أمنيتها في السنة الجديدة، علقت: «نفسي في 2023 يجيلي فيه ورق كويس وأقدم حاجة مختلفة مش تقليدية، ودخلت التيك توك عشان أقول للناس إني عايشة بعد شائعات وفاتي، واتحسدت وكل ما أخرج أى خروجة أرجع أنام بعدها 20 يوم».

فيفي عبده : «أنا هتجنن نفسي أعرف ليه الناس بتحبني الحب ده»

فيفي عبده تنعي الإعلامي مفيد فوزي بهذه الكلمات