اعترافات ومزاعم قاتل نيرة أشرف أمام المحكمة

على مدار 60 دقيقة حبس فيها الرأي العام أنفاسه لمتابعة أولى جلسات محاكمة المتهم محمد عادل قاتل الطالبة نيرة أشرف أمام بوابة توشكى بجامعة المنصورة، والتي تأجلت لجلسة الثلاثاء المقبل 28 يونيو الجاري، لمرافعة النيابة والدفاع، مع حظر النشر ماعدا جلسة النطق بالحكم، أدلى المتهم باعترافات صادمة.

بدء الجلسة والنيابة تطالب بأقصى عقوبة

وفي تمام الساعة الحادية عشر ظهرا، بدأت المحكمة، أولى الجلسات، حيث ظهر المتهم للمرة الأولى داخل قفص الاتهام، عقب ارتكابه الواقعة، وقامت النيابة بتلاوة أمر الإحالة على المتهم، وطالبت في النهاية بتوقيع أقصى عقوبة، طبقا للمواد الواردة بأمر الإحالة.

المحكمة تخرج المتهم من القفص

وفي الساعة الحادية ونصف، طالبت المحكمة من الحضور الهدوء والتزام الصمت وذلك قبل الاستماع لأقوال المتهم محمد عاطل، وقررت إخراجه من قفص الاتهام وطلبت منه النظر إليها، وطلبت له كرسي لكي يدلي بأقواله.

قاتل نيرة للمحكمة: كانت عاوزاني اصرف عليها

وأمام رئيس محكمة جنايات المنصورة، سألته المحكمة عن دوافع الجريمة، وقال إن الضحية كانت عاوزني اصرف عليها وخلاص وكانت تحكي ليا علي مشاكل بينها وأهلها.

وأضاف المتهم: أنا عملت أكونت فيك علشان اردلها الشتيمة اللي قالتهالي، وفضلت تهددني لمدة 3 شهور بالحاجات اللي أنا كاتبتها، ونيرة اتصلت بيا وهددتني وقالت لي كلام مش هينفع أقوله، وأنا كنت مسؤول عنها وأي حاجة محتاجها كنت بعملها، وذلك بشهادة أهلها، وكانت تشتكي من أهلها، وكنت واقف معها، ومتفقين على الخطوبة، وأهلها كانو عارفين، وكانت تقول لي تعالى اقعد في المنزل وأهلي كانوا عارفين، وكنت برفض.

واستكمل المتهم في اعترافاته أمام المحكمة: اتضح أنها وأخداني مرحلة في حياتها، وأنها توصل لحاجات معينة، وعندما تصل لهذه المرحلة سوف تطيرنى وإن لم تصل تستكمل معي حياتها، وكل ما أرويه مسجل مابيني وما بينها في رسائل وأسرتها على علم.

وتابع: بعد فترة من الارتباط اكتشف بأني كنت محطة في حياتها وكانت واخدني مرحلة في حياتها وكانت حاطه في دماغها توصل لحاجة معينة وفعلا وصلت، فحبيت انتقم لنفسي.

وأردف المتهم أن نيرة أشرف كانت تتدعي أمام زملائهم بأنه متشدد بينما تعمل هي موديل، مدعيا بأنه كان يحب نيرة أشرف 'كنت بحبها ومكنش فارق معايا هي هتشتغل أيه'.

وأشار المتهم إلى أنه حاول إدخال والدتها لحل المشكلة لكنها كانت ترد قائلة: 'انتوا حرين مع بعض احنا ملناش دعوة'.

وأكمل المتهم أنه قام بقتلها بسبب رفضها بالارتباط به، مشيرا إلى أن الطالبة نيرة أشرف تناست ما كان بينهما.

واستطرد: أنا اللي كنت مسؤول عنها وكنت بجيب كل حاجة هي محتاجها وكنت بعاملة معاملة حسنة بشهادة أهلها، وكانت بتشكتي من أهلها كوني مسؤول عنها وكنت متفقين على الخطوبة، وأهلها عارفين.

المتهم بقتل فتاة المنصورة: اشتريت السكين للدفاع عن نفسي وليس لقتلها

واستكمل المتهم محمد عادل كلامه قائلا: كنت أنوي الانتقام منها لكن ليس بالطريقة التي حدثت، موضحا أنه اشترى السكين ليس لقتلها ولكن للدفاع عن نفسه ضدها وضد التهديدات التي تلقاها منها.

وأشار إلى أنه كان يقابل المجني عليها في القاهرة بعد التعرف عليها في السنة الدراسية الأولى في الجامعة، كما التقى المجني عليها ووالدتها في القاهرة وتعرف على والدتها في تلك الفترة، وكانت نيرة في ذلك الوقت أيضا تروى له مشكلات بينها وبين والدتها.

وأكد قاتل الطالبة نيرة أشرف أنه ارتبط عاطفيا بنيرة، لكن وقع بينهما أول خلاف وهي من بدأت، حسب اعترافاته أمام المحكمة.

وتابع: كانت تقولي إنها عايزة تسيب شغل الموديل وتشتغل في مجالات تانية، أنا وهي كنا بنحب بعض ومكانش فارق معايا بتشتغل إيه.

وادعى المتهم في اعترافاته: كانت بتكذب عليا ولا أهلها عارفين بارتباطنا ولا أي حاجة من اللي بتقول عليها، لحد ما حصل بعد 3 شهور وكنا بنتقابل ونخرج في كل حتة وكنت بعملها كل اللي عايزاه.

وأكمل المتهم: أن خلافا جديدا وقع بينها وبيني بسبب طريقة حياتها وعملها موديل، إلا إنها بررت ذلك بأن أسرتها لا تنفق عليها ولا تعطيها أية أموال وكانت تبكي وهي تتحدث.. كان كل ما يحصل حاجة كنت أدعمها بعد وعدها أنها ستبعد عن عملها، وكل اللي ماشية فيه وشغل الموديل، ولا علاقة بأني متشدد من عملها أو لا.

قاتل طالبة المنصورة يصدم الجميع

وقال المتهم  محمد عادل قاتل طالبة المنصورة  نيرة أشرف، إنه: منذ من سنة ونصف بعد حوار أهلها، وجدت واحدة تتصل بي وبتهددنى وتقول لو فتحت فمك  هاجبلك رجاله ولو طالبت هاعمل فيك وأسوي وافضحك واتبلى عليك، وأنا اصطدمت فيها، وكلام مينفعشى أقوله وكميه تهديدات وأهلي لم يعجبهم هذا الموضوع وفاهمين الدنيا، ولم أرد تدخلهم في الموضوع، وبقيت مصدوم فترة وقررت أرد عليها وعملت إيميل ورادد على الكلام إلا هي قالته، وكان هذا الكلام في الصف الثاني، وسأله القاضي هل كان سبب القتل أنها رفضتك رد المتهم لا.

قاضي قاتل طالبة المنصورة نيرة أشرف: تعرف أية عن الحب.. والمتهم يرد

قبل ختام سماع أقوال المتهم  محمد عادل قاتل طالبة المنصورة نيرة أشرف في أولى جلسات محاكمته، أمام محكمة جنايات المنصورة، بمحافظة الدقهلية، سأله القاضي: ما مفهوم الحب لديك؟ فلم يفهم المتهم السؤال في البداية فسرده القاضي عليه بالعامية قائلا: الحب ازاي يا أخدها يا اقتلها!

فرد المتهم: لا طبعا مفيش الكلام ده اللي يزعل تبقي كويس مع حد والحد ده يستغلك ويقل بيك ويضحك عليك.

واستكمل المتهم محمد عادل: اللي عايز أقوله مفيش حاجة هتبرر اللي أنا عملته كل واحد بيعدي عليه فترة في حياته غصب عنه.. الحق أهلها المفروض يتسئلوا عن الموضوع.. وأنا فكرت في قتل نيرة بعد ما شعرت باليأس،

وقال المتهم: المجني عليها استعانت بضابط كان من ضمن شلتها وقام بتهديدي وطلب مني الابتعاد عنها، فقمت بإرسال صورها وتسجيلات صوتية إلى أقاربها فقالوا لي إني بشهر بنجلتهم، فقلت لهم إن كل هذه الصور والتسجيلات حصلت عليها بإرداتها.

وأضاف المتهم  محمد عادل قاتل طالبة المنصورة نيرة أشرف: راحت عملتلي مشكلة في الجامعة والأمن جه وخد البطاقة والأمن مكنش مصدقها والناس عرفاني هناك ومليش في الحاجات اللي بتقول عليها دي، وخدت بطاقتها وبطاقتي وكانت عمالة تقول معرفوش، واحد بيطاردني واتقدملي وأهلي رفضوه وأتهجم عليا واتعرضلي في كل حتة، ومعرفوش ومليش علاقة بيه وفتحت الموبايل ووريت الضابط كل حاجة وسمعته كل حاجة ففهم إنها بتحور.. فرد الضابط: دي بنت مصت دمك والآخر رمتك افكسلها.. فرديت عليه وقلت أنا كنت جاي أتكلم معاها وأشوف الخلاف وكنت رايح لكده.

الوطن العربي يتنظر الحكم على المتهم

واستمعت محكمة جنايات المنصورة، لمرافعة المدعي بالحق المدني، وطالب من القاضي القصاص وقال إن الوطن العربي ينتظر الحكم علي المتهم، مضيفا أن المتهم انتظر 11 دقيقة للتخلص منها، وطعنها من الخلف وذبحها.

وقال المتهم: حاولت أقرب منها واخلص الموضوع، وأتعمل معاها كويس لكنها مدتنيش فرصة، وكنت ببعتلها دايما كلام كويس بس أهلها كانوا بيقولوا ده بيجري وراها بس أنا كنت بحبها وعاوز أصلح اللي بينا، ولما دخلنا سنة 3 أبوها كلمني على الموبايل وقالي أنا تأذيت بسب علاقتكم وعاوزين نقعد ونشوف حل ومحتاجين مساعدتك، في الفترة اللي كنا فيها مع بعض كانت تعرف واحد بتروح معاه مرسي مطروح عشان يدخلها في عالم التصوير والموديل.

وأضاف: أهلها طلبوا مني نلم الموضوع ونحل الخلاف وقالوا أنهم غلطانين لكنهم خدعوني وضربوني وكمان خلوني امضي علي وصل أمانة ليهم.

وقال المتهم: نيرة اتهمتني وفضحتني في الكلية وقالت أني عاوزه أتحرش بيها وأمن الجامعة عارف أخلاقي وقالوا إني لا يمكن أعمل كده، ومفكرتش في قتلها رغم كل المشاكل اللي عملتها لي.

الجنايات تقرر حظر النشر في قضية نيرة أشرف

قاتل فتاة المنصورة يفجر مفاجأة بشأن مكالمة استمرت ساعة مع نيرة