قال عليا عفريت.. ماذا حدث بين محمد ثروت وعادل إمام في أول لقاء بينهما؟

كشف الفنان محمد ثروت تفاصيل أول لقاء بينه وبين الزعيم عادل إمام بمسلسل مأمون وشركاه.

وخلال لقائه مع أحمد موسى قال محمد ثروت: «أول لقاء مع الأستاذ عادل إمام.. أنا كنت مخضوض دي خضة جامدة، يعني عايز أقول لحضرتك إنه لما جه كلمني في التليفون أنا قمت وقفت رديت على التليفون والله يا نمرة.. ألو مين معايا؟ قال لي أنا عادل إمام فقلت له يا نهار أسود ورحت قايم واقف وقعدت أتكلمت معاه يعني شوية، وبعد كدا حصل بقى اللي إحنا اجتمعنا في المسلسل بتاع مأمون وشركاه».

وتابع قائلا: «مأمون وشركاه لما جالي الترشيح أنا كنت فاكر الأستاذ رامي إمام باعتلي على مشهدين أو 3 مشاهد ضيف شرف في المسلسل، فقريت المشهد اللي جابني فيه مشهد قبل ومشهد بعد طبعاً ملتهم إفيهات فقعد يضحك وقال لي لا الصراحة الموضوع أهدى من كدا بكتير».

وواصل قائلا: «عملت جلسة عمل مع الأستاذ رامي إمام على الاتفاق على الشخصية بتتكلم إزاي؟ قبل وبعد عاملة إزاي؟ لبسها عامل إزاي؟ هي علاقتها بالأشخاص إيه؟ بفهم منه شوية تفاصيل، ذاكرت تمام خالص رايح أول يوم تصوير، أنا يعني بعمل كدا بس في النهاية قلت لنفسي إيه؟ قلت أنت بتشتغل عشان اللحظة دي، طول عمرك طول حياتك من خلال مسرح الجامعة من خلال أي حاجة كنت بتعملها أنت مستني اللحظة دي إنك تقف قدام أستاذ عادل إمام، وبالتالي اللحظة جاتلك فمضيعهاش بخوفك، يلا يا معلم العب بقى ورينا هتعمل إيه».

واختتم قائلا: «عملنا بروفة بعد ما خلصت خالص راح بصلي وبص للأستاذ رامي إمام قال له دا عفريت أنت جبته منين، وهو عنده ميزة جميلة جداً أستاذ عادل إمام ربنا يديله الصحة إنه هو لو شافك شاطر بيحبك، ووانس إنه حبك هو أنت.. بيدي فرصة.».