قصة انسحاب مصطفى درويش من فيلم الملحد.. مش هكون أداة ضد ديني

أثار انسحاب الفنان مصطفى درويش عن المشاركة في فيلم الملحد حالة من الجدل وقت ذروة الموضوع في وقت سابق قبل وفاته.

وجاء انسحاب مصطفى درويش عن المشاركة في فيلم الملحد بسبب رفضه لبعض آراء الكاتب والإعلامي إبراهيم عيسى، الذي  أثار حينها حالة من الجدل بعد تصريحات حول واقعة الإسراء والمعراج، وهو ما دفع مصطفى درويش للرد عليه.

مصطفى درويش ينتقد إبراهيم عيسى

مصطفى درويش كتب عبر حسابه الشخصي على موقع التواصل الاجتماعي فيسبوك حينها اعتراضا على تصريحات إبراهيم عيسى: قررت أنا مصطفي درويش مقاطعة أي برنامج لإبراهيم عيسي والاعتذار عن فيلم الملحد اللي صورت فيه 4 أيام بسبب أن مؤلف القصة هو إبراهيم عيسي لأن واضح أن الحرب دي ممنهجة وأنا مقبلش أبدا أكون أداة للحرب ضد ديني ولو الثمن هيكون ايه اسف جدا وبعتزر لكل فريق العمل مش هاكمل في القرف ده.

مصطفى درويش: مرجعيتنا للأزهر وأنا ولا شيخ ولا حاجة

وتابع: الأزهر قال كلمته ونصر الحق، ممكن مسمعش صوت معارض لو سمحتم، لأن احنا مرجعيتنا للأزهر وأنا ولا شيخ ولا حاجة، أنا لسه بادئ انتظم في الصلاة من قريب، وكان بعد مشكلة حصلت لي، فقربت من ربنا.

وأوضح درويش حول قصة الانسحاب: اعتذاري عن فيلم الملحد جاء في أصعب ظروف محدش عارف عنها حاجة، محتاج ماديات فعلا ومحتاج شغل لأني لسه في أول الطريق، فأكيد اعتذاري عنه كان على عيني، بس ديني أهم وأنا لا غلطت في الأستاذ إبراهيم ولا غلط في حد'.

مصطفى درويش: أنا مسلم مؤمن بكل الرسل والديانات السماوية

وأضاف: أنا بس أخدت قرار أدافع عن الصلاة اللي بصليها والإسلام اللي هو ديني ودين امتي، ولو كان الأستاذ غلط في أي ديانة مسيحية أوغيرها كان هيبقى نفس موقفي، أنا مسلم مؤمن بكل الرسل والديانات السماوية ومقبلش حد يشكك في الكتب السماوية واسكت، نقفل الموضوع ده علشان أخد أكبر من حجمه.

وفاة مصطفى درويش عن 43 عاما

توفي الفنان مصطفى درويش، عن عالمنا عن عمر ناهز الـ 43 عاما بشكل مفاجئ، وشيعت جنازته عصر اليوم الاثنين من مسجد الحصري بمدينة السادس من أكتوبر.

 

دينا رامز تنعى مصطفى درويش بكلمات مؤثرة.. فيديو

وائل عبد العزيز ينعي مصطفى درويش: أشتكي لمين أنا دلوقتي

وفاة مصطفى درويش.. نجوم الفن يودعوه بكلمات مؤثرة