قصة مادلين طبر وعادل إمام .. من مطالبات بالإفراج عنه لتقديم بلاغ من إعلامية شهيرة

تصدر اسم الفنانة مادلين طبر التريند بسبب تصريحاتها الأخيرة عن الزعيم عادل إمام، ومطالبة أسرته بالإفراج عنه لحضور المناسبات الفنية.

بدأت قصة مادلين طبر وعادل إمام بتصريحات تلفزيونية للفنانة اللبنانية، قالت بها: «عادل إمام تاج على رأسنا، وكان أمنيتي إن عائلته تفرج عنه ويحضر تكريماته».

قصة مادلين طبر وعادل إمام

وأشارت الفنانة اللبنانية مادلين طبر إلى أنها لا تستطيع التواصل مع الزعيم عادل إمام، مضيفة: «الرقم اللي كان الزعيم بيرد عليه لما كان بصحته مبقاش يرد عليه».

وتابعت: «ورامي ابنه مبيردش خالص طيب نتطمن على الزعيم إزاي؟، لازم نقتحم الفيلا، والناس اللي اقتحموا بيته وعرفوا يعملوا له عيد ميلاد برافو عليهم وده المهم».

مادلين طبر

هجوم الإعلامية بسمة وهبة على مادلين طبر

ومن جانبها، هاجمت الإعلامية بسمة وهبة الفنانة مادلين طبر، بعد تصريحاتها في المهرجان القومي للمسرح عن الفنان الكبير عادل إمام، قائلة: «النهاردة شوفت بوست سيء وعصبني الفنانة مادلين طبر قايلة كانت أمنيتي إن عائلة الزعيم عادل إمام تفرج عنه، ويحضر تكريمه في المهرجان القومي للمسرح».

وتابعت في برنامجها التلفزيوني: «كنا نستقبله على رموش عينينا، ورامي ابنه مش بيرد خالص، طيب إزاي نطمن عليه، لازم نقتحم الفيلا؟، والناس اللي اقتحموا بيته وعرفوا يعملوا عيد ميلاده برافو عليهم وده المهم، بوست صادم جدًا لا يليق بمكانة فنانة، وهي بكلامها هذا تسيء للفن اللي هي محسوبة عليه».

تصريحات مادلين طبر عن عادل إمام

واستكملت: «يعني إيه عائلته تفرج عنه، مين قال ليكي إنهم مكتفينه، وإنت مالك؟ إنت تعرفيه منين، يحضر المهرجان أو لا يحضر إنت دخلك إيه؟ ورامي ابنه يرد عليكي ليه، هو إنتو صحاب؟ وهل إنت جيل الزعيم أصلا؟ إنت محسساني إنك بنت خالته.. وبعدين إنت عارفة إن كلمة لازم نقتحم الفيلا ممكن تتحاسبي عليها قانونا، إنت بتعملي دعوة لاقتحام منزل الزعيم عادل إمام؟».

واختتمت الإعلامية بسمة وهبة رسالتها للفنانة مادلين طبر: «إنت فاكرة نفسك رايحة تقتحمي عشة فراخ؟ أنا دلوقتي بعمل فيكي بلاغ إنك بتقولي نروح نقتحم الفيلا، دي دعوة غير قانونية بالمرة، وبعدين عرفتي منين إن في ناس اقتحموا بيته وعملوا له مفاجأة، إنت تعرفي هما إيه بالنسبة له؟ إنت بتتكلمي عن الفنانة يسرا والفنانة لبلبة عشرة عمره وأصدقاؤه، إنت حاشرة نفسك ليه وإنت مش في نفس المكانة».

مادلين طبر

عادل إمام

عادل إمام

مادلين طبر وبسمة وهبة

مادلين طبر وعادل إمام

مادلين طبر وعادل إمام