قصة مغادرة هيثم سعيد لاستراليا بسبب فقدان الشغف.. هل سيعتزل الغناء؟

فاجأ الفنان هيثم سعيد الجمهور بمغادرته مصر وسفره إلى استراليا قبل أيام، موضحًا أنه فقد الشغف ويشعر بيأس ويبحث عن حياة وبداية جديدة وخوض تجارب فنية جديدة.

وأكد هيثم سعيد في فيديو نشره عبر حسابه الرسمي بموقع انستجرام، أنه تعاقد على إحياء حفلات في استراليا ولكنه يرغب في فترة استراحة وإجازة بعيدًا عن الغناء.

مغادرة هيثم سعيد إلى استراليا

ومن جانبه، حرص الفنان تامر حسني على دعم هيثم سعيد، بعد إعلانه سفره لاستراليا والابتعاد عن المجال الفني لفترة، بسبب فقدانه الشغف.

وأشار إلى أنه قرر الابتعاد عن عالم الفن لأنه أصبح عالم لا يشبهه، وهو فقد الشغف لهذا العمل بعد أن تحول التنافس إلى منافسة التريند وأصبحت الأولية لمن تتصدر أخباره عناوين الصحف حتى لو بأخبار لا علاقة لها بالفن، موضحًا أنه سيعمل الفترة المقبلة لاكتشاف ثقافات موسيقية جديدة في البلد الذي انتقل إليه.

 

View this post on Instagram

 

A post shared by Haytham Saeid هيثم سعيد (@haythamsaeidinsta)

رسالة تامر حسني لهيثم سعيد

وكتب تامر حسني في رسالته عبر خاصية الستوري التابعة لحسابه الرسمي بموقع انستجرام: «حبيبي هيثم أنا أكيد أزعل لما أشوف فنان جميل زيك يصيبه اليأس بالشكل ده أنا فاهمك وحاسس بيك كويس».

وتابع: «طبعًا محدش عارف داخليات الناس وأنا ممكن أبقى مش عارف إيه اللي خلاك وصلت لكده رغم إن في ناس من جيلنا كملوا وصبروا وكان عندهم شغف وإصرار على النجاح كبير.. أنت عارف أنا شوفت إيه من حروب بس كملت واتحديت الظروف مش عارف أقولك ليه مصممتش ولا أقولك متزعلش على اللي أنا معرفش عنه حاجة ربنا بس العالم بيك وعالم أنت شوفت إيه وحسيت بإيه».

واستكمل تامر حسني رسالته لهيثم سعيد: «بس خليني أقولك حاجة أجمل من ده كله اتأكد من حاجه زي ما أنت متأكد إن اسمك هيثم وأكتر كمان ربنا لما بيقفل باب بيبقى عايزك تفهم إنه قفله عشان يوجهك تروح باب تاني أفضل مش عشان يزعلك وما دام أنت اخترت تسافر تجرب مش عيب جرب جايز تلاقي نجاح عالمي حصلك أكبر من اللي كنت بتحلم بيه ونصيحة ليك برضه أدرس التوزيع الموسيقي عشان تعمل مزيكتك بنفسك وجايز تبقى مؤسسة كبيرة في يوم من الأيام بتصنع مزيكا ليك ولغيرك وتقدم ناس مع شطارتك كمطرب».

واختتم: «ولو حسيت بأي صعوبة أرجع وكلنا حواليك إن شاء الله وأنا جنبك وجنبك من دلوقتي لو حابب ترجع ونحط خطط جديدة للشغل وتقف تاني من جديد أنت فنان جميل وشکل جمیل ومحترم وتستحق كل خير.. فكر يا صاحبي وأنا بعون الله معاك».

هيثم سعيد وتامر حسني