قصة منال عبد اللطيف مع الحجاب.. من تفكيرها في خلعه للتراجع

أثارت الفنانة منال عبد اللطيف ضجة واسعة وجدلًا كبيرًا خلال الساعات الماضية، بسبب تصريحاتها عن الحجاب بين تفكريها في خلعه إلى تراجعها وعدم تنازلها عن حجابها.

في البداية فاجأت منال عبد اللطيف الجمهور بتصريحاتها التلفزيونية، موضحة أنها في بعض الأحيان تفكر في خلع حجابها، كما أن كل الفنانين ضد الحجاب، وذلك بحسب تصريحاتها.

تصريحات منال عبد اللطيف عن الحجاب

وأضافت: «فكرة خلع الحجاب بتراودني، لأن أوقات بتوحشني منال المنطلقة، أنا بطبيعتي منطلقة وأوقات بتوحشني أبقى عايزة أنطلق في كل حاجة وأن مفيش حاجة تقيدني لكن سريعًا بقول لأ أنتي تدعي ربنا إنه يثبتك لأن دي خطوة مش هينة على طول برجع لدماغي فورًا لكن بتراودني الفكرة طبعًا بتراودني».

واستكملت منال عبد اللطيف حديثها، وقالت: «كل ما بتيجي الفكرة على بالي وأقول يا منال أقلعي بقى الحجاب وبعدين أقول لنفسي انتي اخدتي الخطوة وقعدتي السنين دي والفكرة اللي بتلح عليا أن إن شاء الله لما بنتي الكبيرة فرح تتجوز بفكر أني في الفرح أقلع الحجاب مش عارفة ليه بس الفكرة دي بتزن عليا ومش ضروري ألبس فستان مفتوح أهم حاجة أني أكون منطلقة لأن دايمًا الطرحة بتضايقني وأقعد طول الوقت أظبطها، وبقالي 11 سنة محجبة».

وتابعت: «أنا بحترم رأي الناس لكن في مناطق شخصية بتاعتي مش بتاعتكم محبش حد يتدخل فيها، ورأي الناس يحترم لكن انا اللي على قناعتي هعمله وطالما مابيضرش حد يبقى محدش له دعوة بيا، وحتى السوشيال ميديا مبخافش منها، وأنا مابيشغلنيش غير دائرتي الأولى جوزي ووالدي وبناتي وصديقاتي المقربات غير كده اللي برا دايرتي برا وبتعرض لإغراءات كثيرة، وعدد من صديقاتي قالولي اخلعي الحجاب ليه إنتي محجبة وكل الفنانين اللي اشتغلت معاهم في الفترة الانتقالية التي عملت بها قالولي ليه حد يغطي الشعر الحلو ده».

واختتمت منال عبد اللطيف: «كنت شغالة مسلسل كيد النسا الجزء الثاني وكنت ماضية 5 مسلسلات وأخدت القرار إني هتحجب وهقعد ولغيتهم».

منال عبداللطيف

منال عبد اللطيف تتعرض لانتقادات بسبب الحجاب

ثم تعرضت الفنانة المعتزلة للعديد من الانتقادات لتخرج عن صمتها وتحسم جدل خلعها الحجاب، حيث كتبت في منشور عبر حسابها بموقع فيس بوك: «أنا الحمد لله مقتنعة بحجابي وبحبه وربنا يثبتني».

وتابعت: «أنا بس شيرت البوست عشان تعرفوا إن كل مواقع السوشيال ميديا بيعملوا عناوين كذابة ومفبركة وبس.. ربنا يهدي الجميع».

وكتبت في منشور آخر لتحسم الجدل: «أنا مش هقلع الحجاب.. ربنا يثبتني على طاعته».

منال عبد اللطيف

منال عبد اللطيف