كان بيخوني كل يوم مع واحدة.. زوجة عم رمضان ترد على اتهامها بطرده

كان بيخوني ومضربتوش هو اللي ساب البيت لوحده جوزي خاين وغشاش بهذه الكلمات روت زوجة عم رمضان تفاصيل الخلاف مع زوجها بعد أن اتهمها بطرده من المنزل والاعتداء عليه بالضرب.

ونفت زوجة «رمضان» البالغة من عمرها 35 سنة، خلال لقائها مع الإعلامية نهال طايل، عبر برنامج تفاصيل، المذاع على قناة صدى البلد 2، الاعتداء على زوجها، مؤكدة أنه ترك المنزل برغبته معلقة: «الناس كانت بتيجي تقولي زوجك بيخونك كل يوم مع واحدة، وأرض البيت اشتريتها من فلوسي والجمعيات اللي بعملها».

وتابعت الزوجة قائلة: «بسدد في فلوس البيت من شغلي، ببيع بط وجمبري وفراخ ولسه عليا أقساط من ثمنها ، ومفيش ما يثبت أن الأرض اشتريناها بفلوسه»

وعلقت الزوجة قائلة: «أنا طالبة الطلاق وأخوالي هما اللي ساعدوني في جواز بنتي وفي مرة فتح علينا أنبوبة البوتاجاز وكان عايز يولع في البيت».

واستكملت الزوجة: «جاب بلطجية لحد البيت يهددوني، ودا خاين وغشاش وميستحقش أعيش معاه يوم واحد، وهو بيدعي المرض بقرنية عينه».

واختتمت قائلة: «عايزه يبعد عني وعن عيالي، ابني كان هيطفش بسببه وبنتي اتطلقت يوم ما أخدت قسيمتها والأخيرة كانت هتنتحر بالبرشام، ومش عاوزة منه أي حاجة وهبريه من كل حاجة».

https://www.youtube.com/watch?v=mlFqeCVANls