كريم الحسيني يطلب العمل مع حمدي عباس: بيفكرني بموهبة العظيم الضيف أحمد

طالب الفنان كريم الحسيني من الفنان حمدي عباس المشاركة معه في مسلسل إذاعي جديد من إخراجه.

نشر كريم الحسيني صورة للفنان حمدي عباس على حسابه بموقع انستجرام، بعد شكوى الأخير من قلة العمل، معلقًا: «النجم حمدي عباس ممكن تشرفنا وتقبل تكون معانا في المسلسل الإذاعي الجديد بإذن الله.. وده شرف ليا إني أخرج لك».

وتابع: «ومش مجاملة والله العظيم.. ومفيش اعتذار وبدبسك على الهوا أهو.. لما كنت طالب في المعهد العالي للفنون المسرحية حضرت عرض اسمه (الأوضة الضلمة) إخراج صاحبي الموهوب حمدي عباس وكان بطل في العرض ومعاه الممثل اللي بهرني ساعتها النجم خالد محروس، وعدد كبير من صاحبنا الموهوبين».

واختتم كريم الحسيني: «بعد العرض جريت على حمدي وقولتله أنا نفسي أشتغل معاك.. حمدي ممثل ومخرج فوق الهايل.. موهوب حتى النخاع.. بيفكرني بموهبة العظيم الضيف أحمد اللي كان سبب أساسي في إدارة فريق ثلاثي أضواء المسرح أيامك الحلوة لسه جايه يا حمدي وها تشوف.. أنت ممثل شاطر أوي أوي.. ويشرفني التعاون معاك».