كريم مغاوري عن مسلسل بالطو: خالي من المجاملات

أشاد الفنان كريم مغاوري، بمسلسل بالطو الذي عرضت حلقته العاشرة والأخيرة مؤخرا وحقق العمل نجاحا كبيرا مع الجمهور منذ عرض أولى حلقاته على الشاشة.

ونشر كريم مغاوري ، بوستر المسلسل عبر حسابه الشخصي على موقع التواصل الإجتماعي على فيسبوك وعلق قائلا: مسلسل بالطو.. العادي اللي مش عادي!، يعني إيه بقى؟ يعني العادي والطبيعي والقاعدة إننا نعمل مسلسلات حلوة وقوية ومكتملة العناصر ومتعوب فيها من التحضير لحد آخر يوم تصوير.

وتابع مغاوري: المسلسل نفسه مش عادي عشان هو وعدد من المسلسلات القلائل اللي قدمولنا المتعة ديه والفن ده والموضوع الحلو والضحكة التلقائية، وكل حاجة تخليك تتابع مسلسل وتبقى مستني كل اسبوع عشان تتفرج على الحلقتين الجداد، في توقيت ٩٠٪ من المسلسلات.

كريم مغاوري: بالطو.. بارقة أمل

واستكمل: وكل اللي في الشغلانة عارف إن بقى أهم حاجة نلحق ميعاد العرض بغض النظر عن المحتوى طالع ازاي وان اغلب المسلسلات بتتكتب والمسلسل بيتصور، هنا اصبح الاستثناء قاعدة والقاعدة استثناء للأسف بس كل شوية يطلع بارقة أمل زي بالطو تقول لسه نقدر نعمل حاجات حلوة ويكون في صناعة دراما قوية تاني .

كريم مغاوري يكشف سبب نجاح مسلسل بالطو

وأوضح: لما العمل الفني يتحضر صح ويتحطله كل الامكانيات عشان يحقق نجاح، وحاجة مهمة كمان سبب نجاح المسلسل لما المخرج بعد عن المجاملات .

وأضاف: هذا المسلسل خالي من المجاملات وأنا متأكد وفكرة ابناء الشركة يشتغلوا بغض النظر لايقين على الدور أو لا! لا يمكن تتخيل اي ممثل مش في مكانه او حد تاني يعمل الدور عشان كده صدقنا المسلسل جدا ً وبقينا جزء منه.. شكرا جدا لكل صناع العمل.

عبد الرحيم كمال : مسلسل بالطو آية من آيات الدراما وعبرة وعظة

شيكو يشيد بصناع مسلسل بالطو: مستنيين الجزء التاني

برومو مسلسل تغيير جو .. منة شلبي تعاني مع والدتها وظهور بطل مسلسل بالطو