كزبرة بعد تكريمه في الجامعة البريطانية: في ناس مستكترة عليا الفرحة

رد الفنان ومؤدي المهرجانات كزبرة على منتقدي تكريمه في الجامعة البريطانية، من خلال منشور عبر حسابه الرسمي بموقع انستجرام.

كتب كزبرة عبر حسابه الرسمي: «البوست ده في ناس كتير عمله شير عليه وزعلانين إني بتكرم ومش حابين إني أتكرم وإن في ناس أكتر مني تستحق».

تكريم كزبرة في الجامعة البريطانية

وتابع: «أولاً أنا أقل خلق الله وفعلاً في ناس أكتر مني بكتير تستحق بس أنا مش عايزك تحكم عليا من بعيد أو إن أنا شخص تريند وجت معايا صدفة أنا راجل اجتهدت وتعبت واتظلمت كتير أوي ومكنتش بيأس وكنت حاطط ربنا طول الوقت قدام عنيا».

واستكمل كزبرة: «وكنت عارف إن هييجي يوم وربنا هيفرجها وهيعوضني والحمدلله حصل ورضي ربنا عليا كان أكتر ماكنت أتوقع وفعلاً لكل مجتهد نصيب وأنا اجتهدت فليه في ناس مستكتره عليا الفرحة وطول الوقت شايفين إني شخص مستهلش أي حاجة عامةً».

كزبرة مسلسل كوبرا

تصريحات كزبرة

واختتم: «ربنا يسامح أي حد بيقول عليا كلمة مش صح وربنا يدي كل واحد علي قد نيته وإن شاء الله الفترة الجاية هتكرم في كل أنحاء العالم وبس نصيحة مني لكل بني آدم فاضي ومركز مع غيره أتمنى تركز مع نفسك وفي شغلك وحب الخير لغيرك وصدقني محدش هياخد رزقك بس أنت اجتهد وحب عملك وارضى بالمكتوب».

تكريم كزبرة