كزبرة بعد نجاح «الحريفة»: من صغري كان نفسي أخد فرصة تمثيل

تحدث كزبرة بطل فيلم الحريفة عن النجاح الكبير الذي حققه العمل، معلنًا عن جزء ثاني منه بجانب حصوله على الفرصة الأولى بالتمثيل.

نشر كزبرة مجموعة صور من كواليس فيلم الحريفة، عبر حسابه الرسمي بموقع انستجرام، وعلق قائلًا: «من صغري كان نفسي أخد فرصة تمثيل وكانت بتتاخر عشان ربنا شايلي الأحسن والأفضل ليا».

كزبرة فيلم الحريفة

وتابع: «والحمد لله الفرصة جت والحمدلله بتوفيق ربنا الواحد كان قدها وأول فيلم ليا بقى من أعلي إيرادات السينما المصرية والفضل بعد ربنا يرجع للناس الي دخلت الفيلم انا بشكر كل واحد فيكم من كل قلبي».

واستكمل الفنان كزبرة: «ويارب نفضل دايمًا عند حسن ظنكم وثانيًا أنا بشكر أستاذ طارق الجنايني صاحب الفضل عليا بعد ربنا على إنه شاف فيا موهبة ودعمني من كل قلبه وتاني حاجة على المخاطرة الكبيرة وثقته في شباب لسه طالعة وأغلبيتهم كان أول مرة يمثل».

كزبرة فيلم الحريفة

كزبرة فيلم الحريفة

تصريحات كزبرة

وكتب أيضًا: «بجد أنت أفضل وأشطر الناس اللي شوفتها وتستاهل الخير كله وطبعًا بشكر أستاذ روؤف السيد المخرج العبقري اللي قدر يطلع من كل واحد فينا أحسن ما عنده ومعاملته لينا وإن قدر يحتوينا ويثق في موهبتنا وطبعًا بشكر أخويا وحبيبي أستاذ إياد صالح القلم الجارح على الفيلم الحقيقي والورق الجميل اللي يعيش مع الناس والرسالة الحلوة اللي وصلتها من الفيلم وطبعًا أي حد اشتغل في الفيلم».

واختتم كزبرة تعليقه على نجاح فيلم الحريفة: «أنا بشكره من كل قلبي وأخيرًا إخواتي الحريفة أنا طبعًا مهما أتكلم مش هعرف أعبر عن حبي ليكم وهفضل طول عمري فخور إني اشتغلت معاكم وفخور إن النجاح ده أنا شوفته معاكم إنتوا وليا الشرف إني كنت جزء بسيط من العمل ده وأخيرًا استنوا الجزء التاني».

كزبرة فيلم الحريفة