كزبرة: تامر حسني بيعرف يواكب العصر وفاهم مكانة المهرجان

وجه مطرب المهرجانات أحمد بحر الشهير بـ كزبرة رسالة للفنان تامر حسني، تزامنًا مع اقتراب طرح أغنيتهما الجديدة «قلودة».

نشر كزبرة صورة تجمعه بـ تامر حسني، عبر حسابه الرسمي بموقع فيس بوك، معلقًا: «أنا بس حابب أقول حاجة في حق الراجل ده».

رسالة كزبرة لـ تامر حسني

وتابع: «تامر حسني ده فنان كبير بمعنى الكلمة لأنه بيعرف يواكب العصر وعارف إزاي يتعامل مع الجيل الجديد وثقافته لأنه فاهم يعني إيه ثقافة مصرية».

واستكمل كزبرة: «وفاهم إن المهرجان ده مزيكا مصرية بتفرح الناس البسيطة في أفراحهم ومش بس البسيطة بتفرح كل الطبقات وبتمثل الشارع المصري».

تصريحات كزبرة

واختتم: «وإن مزيكا المهرجان ليها مكانتها في كل دول العالم والغرب برة بيقدروا نوع المزيكا دي ولو فيه ناس هتختلف على الكلام ده.. الزمن هيثبتلكم ده قدام وكلها أيام الأغنية هتنزل وهتعجب كل الناس».