كزبرة يرد على منتقدي تكريمه في الجامعة البريطانية: أنا اجتهدت واتظلمت كتير

أثار مغني المهرجانات والممثل كزبرة الجدل خلال الساعات الماضية وذلك عقب تكريمه في الجامعة البريطانية عن دوره في فيلم الحريفة، ما جعل عدد من الجمهور ينتقد تكريمه ويسألون لماذا هذا التكريم؟

كزبرة يرد على منتقدي تكريمه

كتب كزبرة عبر السوشيال ميديا: 'البوست ده في ناس كتير عاملة شير عليه وزعلانين اني بتكرم ومش حبين اني اتكرم وان في ناس اكتر مني تستحق'.

وتابع: 'أولا أنا أقل خلق الله وفعلا في ناس اكتر مني بكتير تستحق بس انا مش عايزك تحكم عليا من بعيد او ان انا شخص تريند وجت معايا صدفة'.

واستكمل كزبرة حديثه وقال: 'انا راجل اجتهدت وتعبت واتظلمت كتير اوي ومكنتش بيأس وكنت حاطط ربنا طول الوقت قدام عنيا وكنت عارف إن هيجي يوم وربنا هيفرجها وهيعوضني والحمدلله حصل ورضي ربنا عليا كان اكتر مكنت اتوقع'.

تصريحات كزبرة

وأضاف كزبرة: 'وفعلا لكل مجتهد نصيب وانا اجتهد في ليه في ناس مستكتره عليا الفرحة وطول الوقت شايفين اني شخص مستهلش اي حاجة عامةً ربنا يسامح اي حد بيقول عليا كلمة مش صح وربنا يدي كل واحد علي قد نيته وان شاء الله الفترة الجاية هتكرم في كل انحاء العالم'.

واختتم كزبرة كلامه: 'وبس نصيحة مني لكل بنادم فاضي ومركز مع غيره اتمني تركز مع نفسك وفي شغلك وحب الخير لغيرك وصدقني محدش هياخد رزقك بس انت اجتهد وحب عملك وارضي بالمكتوب'.