كزبرة يستعيد ذكرياته مع نتيجة الثانوية العامة: أصعب أيام حياتي

استعاد مؤدي المهرجانات كزبرة ذكرياته مع نتيجة الثانوية العامة، موضحًا أنه كان من أصعب الأيام في حياته.

كتب كزبرة عبر خاصية الستوري التابعة لحسابه الرسمي بموقع انستجرام: «النهاردة يوم بيفكرني بأصعب أيام حياتي.. زي النهادة أنا كنت جايب 67% في الثانوية العامة وساعتها المجموع ده مكنش أحسن حاجة».

ذكريات كزبرة مع نتيجة الثانوية العامة

وتابع: «وقولت الحمدلله أنا هفضل مركز في الحاجة اللي بحبها ومحدش كان مصدقني وأقرب الناس ليا، ودعيت ربنا أنه يكرمني وميأستش».

واستكمل كزبرة: «والحمد لله وصلت لأول سلمة من حلمي السنة دي بعد مرمطة سنين وانتقادات توصل الواحد أنه ينتحر، فأنا حابب أقولكم إن الدنيا حلوة وربنا أكيد له حكمة في اللي بيحصل وبيدي كل واحد على قد تعبه».

ذكريات كزبرة مع نتيجة الثانوية العامة

آخر أعمال كزبرة

واختتم: «فمحدش ييأس والدنيا موقفتش وتقدر تثبت لنفسك ولكل اللي حواليك أنك تقدر تنجح، وربنا يكرم الجميع وبالنسبة للناس اللي نجحت وجابت المجموع اللي نفسها فيه، مبروك وربنا يكتب للجميع الخير والنجاح الدايم».

يشار إلى أن آخر أعمال كزبرة، مشاركته ضمن موسم دراما رمضان 2024 الماضي، بمسلسل كوبرا مع الفنان محمد إمام ومجدي كامل وأحمد عبد الحميد ومحمود عبد المغني وآخرين.

كزبرة مسلسل كوبرا

كزبرة مسلسل كوبرا