كلمات مؤثرة من زوجة الشهيد حازم إبراهيم عبد القادر: كنت هكلم دفعته يجيوا يصلوا الجمعة مع أبني

كرم الرئيس عبدالفتاح السيسي، اسرة شهداء الوطن، خلال الندوة التثقيفية الـ 39 بمناسبة يوم الشهيد.

وتحدثت أرملة البطل حازم إبراهيم خلال الاحتفالية قائلة: «سيادة الرئيس انا هنا لسببين الأول هو حازم والتاني هو آدم، أنا لسه ناقلة مكان جديد، بيتي قدام الجامع أول لما عزلنا، آدم كان نازل علشان يصلى الجمعة بصيت عليه وهو داخل الجامع عيط غصب عنى علشان هو نازل لوحده كان نفسي باباه يكون معاه، وبعدها بشهرين آدم بقا ليه أصحاب».

وتابعت: «مرة كان واقف قدام الجامع أصحابه راحوا يسلموا علي باباهم وادم راح يسلم عليم غصب عني عيطت وبصيت لربنا مش اعتراض بس انا ام ابني صعب عليا وفى بالي قلت ان شاء الله في جمعة الشهيد».

وأكملت: «هكلم دفعته يجوا يصلوا معاه ويتكلموا جوه الجامع علشان حازم يبقا مبسوط، بعدها باسبوع ربنا قالي متزعليش وقالولي إن سيادة الرئيس هيكرم أدم وبدل لما يكلموا عن حازم جوه الجامع مصر كلها هتشوف».

أضافت: «أنا طلبي بس إن كل واحد يراعي ربنا في البلد دي ويعرف ان فيه ناس كتير ضحت علشان خاطرها وهما ماشين على الأرض فيه دم كتير تحت وفيه ناس كتير عايشة بس حياتهم مش كاملة فرحتهم ناقصة».