كلمات مؤثرة من نادية الجندي ومنى زكي بعد التكريم بمهرجان ضيافة عن غزة

حرصت الفنانة منى زكي أن توجه كلمة بعد تكريمها من مهرجان ضيافة في دبي، داعمة القضية الفلسطينية، وقالت: «مش عارفة أقول إيه أكيد مبسوطة إن أنا وسطكم بس حاسة بعد الأحداث الأخيرة كلنا اتغيرنا».

وتابعت الفنانة منى زكي في كلمتها على المسرح: «حاجة جوانا اتغيرت.. حاجة اتكسرت ومتهيألي مش هترجع غير لما يبقى شعب فلسطين حر ويبقى بياخد كل حقوقه».

تكريم منى زكي في مهرجان ضيافة

وأضافت: «اتعلمت في الفترة دي هو أن الإنسانية محدش بيعلمهالك.. مش لازم يكون في منظمات بتكتب قواعد للإنسانية.. الإنسانية أنت بتتولد بيها وبتبقى جواك وعارف إيه قواعدها من غير منظمات تحطلك يعني إيه تبقى إنسان».

وشهد مهرجان ضيافة في دبي تكريم الفنانة نادية الجندي أيضًا، التي قالت بعد تكريمها: «الحقيقة كنت مترددة أني آجي في الأول ولما لقيت المبادرة الجميلة اللي عملها الشيخ محمد بن راشد لمساعدة أخواتنا وأطفال غزة سعدت جدًا بهذه المبادرة الإنسانية الجميلة ده اللي شجعني آجي المهرجان».

تكريم منى زكي في مهرجان ضيافة

تكريم نادية الجندي في مهرجان ضيافة

واستكملت الفنانة نادية الجندي حديثها عن حرب غزة: «عايزة أقول إن التاريخ هيشهد على هذه المجزرة البشعة والحرب والإبادة لأطفال أبرياء والتاريخ هيشهد على موت الضمير الإنساني العالمي اللي بيتغاضى عن الحق، ولكن ربنا هينصر الحق والحق سينتصر ويرد حق الظالمين».

كما كشفت رأيها في الفن، قائلة: «الفن الأول كان عبارة عن الفنان الملتزم اللي بيحب الفن اللي بيقدم رسالة وفن هادف، لكن دلوقتي اختلف عن زمان».

حضر عدد من النجوم مهرجان ضيافة من بينهم الفنانة كارول سماحة والفنان بوراك دينيز، والفنانة ماجي أبو غصن، والفنان أمير كرارة، والفنانة باميلا الكيك، والفنان عصام كاريكا والفنان سعد لمجرد وآخرين.

تكريم نادية الجندي في مهرجان ضيافة