«كنت بزعقله».. أحمد عبد الله محمود يروي موقف لأول مرة عن الزعيم عادل إمام

كشف الفنان أحمد عبد الله محمود، عن علاقته بالزعيم عادل إمام، مشيرًا أنه منذ فترة كان يذهب للجلوس معه في منزله لكي يستمع منه عن ذكرياته مع والده  الفنان الراحل عبد الله محمود.

وأوضح أحمد عبد الله محمود، خلال استضافته في برنامج outbox عبر موقع قناة صدى البلد، قائلاً: «جاتلي فترة كنت بروح اقعد مع الزعيم في منزله، وكنت محتاج اسمع حاجات عن والدي من شلة الصحاب، ومن حد كبير قيمة وقامة زي الزعيم عادل إمام، فأكيد مش هيقول أي كلام وخلاص».

وأشار أحمد عبد الله محمود، قائلاً: «في الوقت ده الزعيم كان بيتفرج على كل حاجة، كان شافني كتير في الشغل، فبدأ يتناقش معايا عن حاجات عملتها زي (الجزيرة 2، حديد، حرام الجسد)، وكان عاجبه مسلسل طايع جدًا».

وتحدث أحمد عبد الله محمود، عن مشاركته بالتمثيل أمام النجم عادل إمام في مسلسل «عوالم خفية»، قائلاً: «الزعيم ترك الديكور مبنيًا لمدة شهر لرغبته وأستاذ رامي إمام إن محدش يعمل الدور غيري، مع إنهم مشهدين،، بس الزعيم كان مصمم إن أنا اللي أعمله».

وأوضح أحمد عبد الله محمود، لأول مرة كواليس تمثيله أمام الزعيم عادل إمام، قائلاً: «لما اشتغلنا وعملنا أول بروفة، والمفروض أنا بزعقله في المشهد، وأنا رايح بطني وجعاني، مش عارف هقول ايه؟، عادل إمام أنا هزعقله ازاي؟، فبعد ما زعقت وعملت المشهد، قالّي أنت بتزعقلي أنا كده ؟، بنظرته الشهيرة».

وأضاف أحمد عبد الله محمود، قائلاً: «وبعد ما خلصنا المشهد، حبيت أعرف رد فعله، فعديت على الزعيم تاني يوم في البيت، ودخلت سلمت على الناس، وحد منهم قاله: مقولتلناش رأيك يا زعيم في أحمد؟، فرد عليه: أحمد عنيه بتقول كلام كتير، وتقطيعه للجملة مختلف، عليه تون صوت مميز، وقال شوية كلام، أنا بقيت منبهر ومبسوط جدًا وقولتله الشهادة دي بالنسبالي بـ 20 مليون دولار مثلاً».