كواليس مكالمة هاني عادل ومحمد منير .. «رمى الموبايل من إيده»

كشف الفنان هاني عادل كواليس مكالمة الكينج محمد منير له، وذلك خلال حفله في مكتبة الإسكندرية، حيث قدم أغنية شبابيك لمحمد منير، ضمن فعاليات مهرجان الصيف الدولي في دورته الـ 20.

مكالمة هاني عادل ومحمد منير

قال هاني عادل عن مكالمته مع محمد منير: «كنت قاعد مع صاحبي وجاتلي رسالة من رقم بيقولي هاني رد أنا منير، وأنا في العادي مش برد على أرقام غريبة».

وتابع: «وفي الآخر رديت، ولما لقيته هو رميت الموبايل واتخضيت وقالي عجبتني الأغنية بتاعتك ومصدقتش بصراحة».

هاني عادل مسلسل جميلة

تصريحات هاني عادل

كما كشف فكرة أغنية تراست إيشوز، وأغنية هحكي عنك، معلقًا: «أغنية تراست إيشوز مع الشاعر حازم ويفي كتبناها وقت كورونا كنا في دهب، واللي بيقول إنه معندوش تراست إيشوز هو متأكد!، وأغنية هحكي عنك الناس افتكرت إنها عن حدث في حياتي، بس الحقيقة إنه كان تحدي بالنسبالي».

وأضاف الفنان هاني عادل: «لما حد قالي أنت مش بتعمل النوع ده من الأغاني، قررت أعمله وهي كانت دعاية لرواية سوف أحكي عنك، لصديقي الكاتب أحمد مهنى وكتب الأغنية محمد إبراهيم».

وكان قد أعرب عن سعادته الكبيرة لإحياء حفل ضمن فعاليات مهرجان الصيف الدولي في الإسكندرية، قائلًا: «إني أطلع وأغني أغنياتي لوحدي ده أقدر أقول عليه حلم وحصل زي اسم أغنيتي، لأني في بداياتي كنت بغني دايمًا مع فرقة افتكاسات».

واختتم هاني عادل: «وبعدين مع فرقتي وسط البلد، ودي رابع حفلة أغنيها لوحدي، ده كان بيتطلب جزء كبير ثقة في نفسي وفي الموسيقيين اللي معايا، مبسوط جدًا أنكو جيتوا وإننا معاكوا في إسكندرية، النهاردة هنقدم مشروع الرجل الرمادي، اللي بغني فيه أعمال بعيد عن وسط البلد، وأغاني غنيتها في أفلام».

هاني عادل

محمد منير

محمد منير