كوكا يواصل دعمه لفلسطين برسالة نارية

واصل الدولي المصري أحمد حسن كوكا المحترف بصفوف بنديك سبور التركي، دعمه الكامل للقضية الفلسطينية، من خلال بيان رسمي، جديد نشره نشره عبر حسابه على موقع تويتر..

‎وكتب كوكا، قائلا :" بنصحى كل يوم نروح شغلنا مُجبرين عشان أهالينا  وأولادنا اللي مسؤولين عنهم وقلوبنا فيها ألم ووجع علي أحبابنا وأخواتنا في فلسطين ، في كل ثانية بتمر خبر جديد أبشع من اللي قبله ، بنتصور إن خلاص مفيش أوحش من كده ممكن يحصل ، بس مابنستناش كتير ونلاقي اللي أبشع منه، اعتقد إن بعد ما قصفت إسرائيل المستشفى والمدرسة والكنيسة وكل شيء محرم ، ضاربة بالقوانين الدولية عرض الحائط ".

وأضاف:" بدأت بعض الناس تستوعب إن ليس لديهم قلب و لا رحمه.. بدأت تتغير الأراء ، لإن بجد صعب جداً إن يقف شخص في صف كل الشيطانية دي، أب بيشيل عياله او أعضاء من عياله في كيس بلاستيك، اجسام من غير رؤوس، كل الوحشية دي ولسه مفيش حاجه توقفهم لحد اللحظة دي وبرغم قساوة كل اللي فات ، ولسه كتير من المجتمع الغربي لا يستنكر أصلا الي بيحصل

‎خلاص كلام بلغتهم مالوش لازمة عشان كل حاجه واضحة

‎ليه احنا كعرب مانتحدش ؟

‎انتم متخيلين قوة كل دولة عربية ؟

‎انتم متخيلين لو كل الدول العربية تصدو لأي عدوان علي أي دولة عربيه؟

‎ممكن تكون فيه أبعاد سياسية تانية أنا مش فاهمها ، و ممكن كمان يكون تخيلي دا قاصر

‎لكن اللي اعرفه إن الإتحاد قوة، و القوي هو اللي بيتعمل له حساب