كيف نجت مي حلمي من مقلب رامز جلال؟.. محمد رشاد السبب

كشفت المذيعة مي حلمي تفاصيل نجاتها من الوقوع ضحية مقلب رامز جلال في رمضان 2024، وكان سيشاركها في الحلقة طليقها الفنان محمد رشاد.

قالت مي حلمي عبر تصريحات تلفزيونية إنها لا تظهر في برامج مقالب وتعرض نفسها لمواقف صعبة، مضيفة: «أنا بحب رامز جلال لكن لو هو بيقعد في السعودية أو الإمارات شهر أنا قاعدة هناك طول السنة فأكيد الكواليس هتكون عندي».

مي حلمي تنجو من مقلب رامز جلال

وتابعت: «أما كلموني طلبت 25 ألف دولار، في ناس يا حرام مكنتش عارفة الموضوع إيه وهما قالولهم أنتوا تاخدوا بالمصري، أنا اللي فرق معايا الميزانية وإن هو ميبقاش برنامج مقالب، أنا في الأول اتقالي أنه مش برنامج مقالب، قلت استحاله مصدقش».

وأضافت مي حلمي: «سألتهم المفروض ألبس إيه بعتولي برنامج تاني حاجة مختلفة بيلعبوا لعبة، سألتهم عايزني ألبس كاجوال ليه، وبدأت أعمل بحث عن الموضوع طلع زي ما توقعت والمقلب إن إنت تجيبلي حد أنا على خلاف معاه أنا استحالة أقوله صباح الخير دي وحشة في حقي جدًا ولا أنا هقبلها ولا أنا مستنية فلوس».

مي حلمي

مي حلمي ومحمد رشاد

واستكملت: «ناس كتير جدًا قالتلي كنتي روحتي وأخدتي الفلوس قلتلهم متلزمنيش أنا بعمل في نص ساعة إعلان بـ25 ألف درهم مش محتاجة الفلوس دي في أي حاجة والناس شاهدة على الكلام ده والبرامج دي مش هدفها صلح، كل مذيع بيهمه برنامجه والمشاهدة كل سنة هتبقى عايز تكون أعلى من اللي قبلها فاستحاله تقولي مصلحتي أهم من مصلحتك، وهو أنا صغيرة مستينة حد يصالحني على حد وإنت مين عشان تصالحني هو أنا معنديش أهل أو أصحاب هاجي اتصالح على الشاشات، كنت عملتها قبل كده وخدت فلوس كتير».

وفيما يخص فكرة تغيير الضيف وطرح اسم رضا عبد العال بدلًا من محمد رشاد ليظهر معها في الحلقة، قالت: «خلصت أنا متهزأش ما عاش ولا كان اللي يعمل في نفسه كده عشان الفلوس مش محتاجاها».

مي حلمي

مي حلمي ومحمد رشاد