«لازم الست تشيل فلوس على جنب».. يسرا اللوزي توجه نصيحة جريئة للسيدات

تحدثت الفنانة يسرا اللوزي عن علاقتها بابنتيها، ووجهت عدة نصائح للسيدات.

قالت يسرا اللوزي عبر تصريحات تلفزيونية: «بحاول أعلم ولادي إزاي يحسوا بيا بحاول أوريهم ضعفي ويشوفني وأنا بعيط ومنهارة وتعبانة من التصوير ومش قادرة أقوم علشان بقالي يومين صاحية، بدأوا مؤخرًا يفهموا أنهم يدوني مساحة، لأن فيه وش تاني بيظهر غصب عنك».

علاقة يسرا اللوزي ببناتها

وتابعت: «الوش ده فيه زعيق كتير الواحد لما يكون مش نايم ومتوتر مابيكونش أحسن نسخة من نفسه وأنا مش عاوزة أرويهم النسخة دي وبقرر أني أبعد، وزمان ماكنش عندي الخبرة دي، زمان كان غصب عني ممكن أتعصب ومش عاوزة يجيلهم تروما فبفضل استحمل وبعدين أفرقع، فرقعت قدامهم مرتين واتخضوا فاتكلمت مع الدكتورة بتاعتي قالت لي قبل ما توصلي للمرحلة دي أبعدي، وارجعيلهم علشان يكون عندهم ذكريات كويسة».

واستكملت يسرا اللوزي: «الجيل ده عنده وعي أكتر من جيلنا وإحنا صغيرين، الجيل ده بياخد باله من تفاصيل كتير، دلوقتي بنخاف نحور على العيال إحنا كنا بنصدق أي حاجة بتتقال، وبحاول أعلم بناتي إزاي نعمل توازن في حياتنا، إزاي يشوفوا قدامهم حد مهتم بشغله وبيعمل حاجة بيحبها، وفي نفس الوقت بيقسم وقته ما بين الشغل والعيلة، وأنا بعمل ده، علشان يتعملوا أنه لازم يعملوا حاجة بيحبوها».

نصائح يسرا اللوزي للسيدات

ووجهت عدة نصائح للسيدات، قائلة: «أنا بحكم خبرتي في الحياة عارفة قد إيه الجواز ممكن يكون صعب، والجواز مش زي ما الناس كلها فاكرة إننا هنسيب بيت أهلنا علشان نروح نتجوز وننبسط وخلاص، فيه مسؤوليات ومشاكل ولازم نحط نفسنا مكان شريكنا ونراعي بعض في العيشة».

واختتمت يسرا اللوزي: «لازم الست تبقى شايلة فلوس على جنب محدش يكون عارف عنها حاجة»، لافتة إلى أن الأمر لا يرتبط فقط بالطلاق، وإنما لمواجهة الأزمات العائلية والظروف المفاجئة.