لبلبة: ليلة ساخنة نقطة تحول في حياتي.. ويوسف شاهين كان سبب ظهوري بشكل جديد تمامًا

دينا دهب 08 ديسمبر 2025 | 04:40 مساءً

كشفت النجمة لبلبة خلال مشاركتها في جلسة حوارية ضمن فعاليات مهرجان البحر الأحمر السينمائي الدولي، عن تقديرها الكبير لتجربتها في فيلم ليلة ساخنة، مؤكدة أنه واحد من أهم الأعمال اللي غيرت مسارها الفني.

وقالت لبلبة إن الفيلم حصلت عنه على ١٣ جائزة، وإن المخرج الراحل عاطف الطيب كان متوقع نجاحه قبل عرضه، رغم إنه رحل قبل ما يشوف ردود الفعل القوية عليه.

وتطرقت لبلبة إلى علاقتها بالمخرج العالمي يوسف شاهين، وقالت إنها فخورة بالشغل معاه لأنه ساعدها تغير شكلها في السينما، وقدمها للجمهور في صورة مختلفة تمامًا.

وأضافت إنه كان بيهتم بأدق التفاصيل، وعلّمها حاجات كتير حتى خارج التمثيل، ومنها الكروشيه، وكان دايمًا حريص إنها تكون مرتاحة في اللوكيشن علشان تطلع أفضل أداء.

وأكدت لبلبة إن شغلها مع شاهين كان مرحلة مهمة في حياتها، لأنه كان شايف الممثل بعيون مختلفة، وكان أمين على ظهورها، وده كان سبب في تطوير أدائها وقدرتها على تقديم أدوار متنوعة بعد كده.