شهد حفل الفنان تامر حسني في لندن أمس السبت الموافق له 31 أكتوبر، موقف إنساني مؤثر جمعه بطفل كفيف.
شارك تامر حسني متابعيه وجمهوره، بنشره الفيديو الذي يوثق لحظة إنسانية مؤثرة، عبر حسابه الرسمي بموقع فيس بوك، معلقًا: «حبايبي إن شاء الله هنزل عن حفلة لندن أكتر، بجمهورها الراقي الحبيب، وعن الحب اللي شوفته منهم.. بس دلوقتي مش قادر مبدأش بالفيديو ده».
وتابع: «الطفل الجميل ده اسمه محمد الطحان، هو كفيف وبيحبني جدًا، وكان نفسه يعرف شكل الفنان اللي بيحبه، فطلب يحط إيده على وشي عشان يعرفني أكتر، وده كان طلبه حبيبي».
واستكمل تامر حسني: «هو عايش رحلة كلها حب ورضا وصبر وتفاؤل وقوة، مع والدته السيدة الفاضلة العظيمة اللي عايشة حياتها كلها عشانه.. الحقيقة إني فرحت أكتر منه عشان شوفته وعشان شوفت والدته العظيمة.. يارب يارب يارب نشوفه في يوم من الأيام أنجح خلق الله عشان يفرح قلبك يا أم يا عظيمة».
