لطفي لبيب: هنيدي وكريم عبد العزيز مش بيزوروني وفقدان ذاكرة محمد شرف جعلني بديلًا له

أثار الفنان لطفي لبيب الجدل بعد تصريحاته عن عن الفنان محمد هنيدي وكريم عبد العزيز، وكشفه عن كواليس استبدال الفنان محمد شرف به في فيلم عسل أسود.

لطفي لبيب يفتح قلبه بأسرار جديدة

يرصد موقع قناة صدى البلد فيما يلي 20 تصريحًا تلفزيونيًا للفنان لطفي لبيب، وإليكم التفاصيل.

• عمري ما وقعت في منافسة أو مشاكل مع عزت أبو عوف أو حسن حسني واشتغلنا مع بعض في أعمال كلنا وكنا بنحب بعض بشكل كبير
• في مرة حصل مشكلة في فيلم عسل أسود ومحمد شرف صور الأول دوري وبعدين اتصلوا بيا وقالوا لى تعالى لأن محمد شرف اللي صور الدور وكان عنده مشكلة في الذاكرة بسبب المرض وطلبت يقبض اجره كامل ولما واقفوا اشتغلت

لطفي لبيب يعاتب هنيدي وكريم عبدالعزيز

• اكتر فنان كوميدي ارتحت في الشغل معاه هنيدي وكريم عبد العزيز وهما أصحابي وبنشتغل مع بعض
• زعلان منهم مش بيسألوا وبيكملوني في التليفون فقط ومحدش بيجي
• أنا مش هرجع للتمثيل تاني ومستمتع بالكتابة
• رحلة الفن رحلة طويلة ابتدتها في معهد فنون مسرحية مع زملائي خريجي سنة 70 وكان منهم الفنان نبيل الحلفاوي ومحمد صبحي وهادي الجيار ويسري مصطفى وسامي فهمي
• كان عليا إني أبدأ من الأول خالص، واستقبلت كل الفنانين وأنا في الجيش وكانوا بيصوروا في الكتيبة بتاعتي منهم أبناء الصمت ولا فيلم منهم بيعبر عن حقيقة اللي حصل في حرب اكتوبر
• في الجيش كانوا بيسألوني مبصليش معاهم ليه واكتشفو إني مسيحي، ومصر كانت مختلفة، ومكنش فيها مسيحي ومسلم لكن بعد ما طلعت الحياة اتغير والحرام كتر والحلال حاسب وخلي بالك

لطفي لبيب يتحدث عن الحرب

• صديق عمري كان الشيخ عبد الفتاح صقر إمام مسجد واتشكلت مننا جماعات دفن شهداء
• الشهيد أحمد حمدي استشهد قدامي كان بيجري هو روجالته عشان يعملوا كوبري والتيار كان جامد واتعرض لدفعة طيران الرجالة اللي معاه قالوا استشهد العميد أحمد حمدي
• كملوا الكوبرى في لحظات بعد انتهاء الكوبرى بدأت العربيات والدبابات تعدى ومعدات برمائية تعدى القناة والوطن كان غالى جدا خلال الحرب
• الحرب ادتني قوة وإرادة وصلابة وإصرار ومتابع كل صحابي اللي كانوا معايا في الحرب وكل شوية اتلقى تليفون فلان رحل، ومن المواقف اللي قابلتني سيد عبد الرازق نزل خد دفعة رشاش مقالش أه قال حد ياخد مكاني يجماعة وبعدها استشهد
• أخويا إكرام الأسرى قالوله عايز تقول حاجة قالهم أرجوا إن أخويا لطفي يكون بخير بس
• احنا عايشين في أحلى دولة والمحبة أساسية في الحياة نحب بعض هتلاقينا زي الفل
• فيه ازمة خيال لو بصينا لكتاب المسرح زي عبد الرحمن الشرقاوي وصلاح عبد الصابور وغيرهم كوكبة من العظما النهاردة فين؟، وأنا بكتب موضوعات جميلة تقلم أظافر الوحش داخل الانسان

لطفي لبيب يتحدث عن أسرته

• الشخص اللي يشيل همي معايا هو زوجتي شريكة حياتي، وما ينفعش أصلا غير كده وبناتي في بيوتهم، وأنا لا أتدخل في حياتهم
• أحفادي بيراعوا التعب وبييجوا ومش عايزين يشيلوني أي مشكلة لأني عندي جلطة ومأثرة عليا‌، ويبادلوني الابتسامات
• أعز الولد ولد الولد، ونفسي أشوفهم منورين على طول..وحياتي ليهم وبحبهم
• وجهة نظري في رفض هذا الدور إنه دور شيخ أفاق، ولا يصح إني أقدمه من باب اللياقة، الجرأة مطلوبة في التمثيل، لكن هناك فرق بين الجرأة وتجاوز اللياقة، والأفضل أن يقدم الدور ممثل غيري، وسبب رفضي إن جمهورنا لا يفصل بين الممثل والشخصية التي يقدمها على الشاشة
• مهنة التمثيل محتاجة جرأة وشجاعة، وتقديم شخصيات ليس لها علاقة بالممثل

إدوارد ولطفي لبيب في كواليس حضرة العمدة.. صورة

لطفي لبيب: بعدت عن التمثيل بعد إصابتي بجلطة في المخ.. وعندي رصيد للكتابة

نجوم الفن عن سمير غانم.. صبحي: سأضحك من كل قبلي لو قرأ جورنال.. لطفي لبيب: لم ينافسه أحد في المسرح

معلومات عن لطفي لبيب بعد إعلان اعتزاله .. «يحفظ آيات من القرءان رغم كونه مسيحي الديانة وشارك في حرب أكتوبر»