لطيفة: محظوظة إني زورت العظيمة فيروز في بيتها

تحدثت الفنانة التونسية لطيفة عن زيارتها للفنانة اللبنانية فيروز وكيف كان لقاءهما سويًا.

لطيفة تتحدث عن زيارتها لفيروز

قالت لطيفة في تصريحات تلفزيونية: 'كنت محظوظة إني زرت العظيمة فيروز في بيتها ولقيتها في منتهى البساطة والذوق واستقبلتني وهذرت معايا ونصحتني، وانا تعلمت من الناس دي'.

لطيفة تتحدث عن أزمتها في فيلم سكوت هنصور

كشفت النجمة التونسية لطيفة تفاصيل أزمتها في فيلم سكوت هنصور الذي أخرجه المخرج الكبير يوسف شاهين.

قالت الفنانة لطيفة: 'تجربة فيلم سكوت هنصور، كانت حلوة ومن أحسن التجارب اللي خضتها، وفيه عباقرة تعاملت معاهم كانوا شبه بعض مثل يوسف شاهين وفاتن حمامة وزياد الرحباني، وفي تعاملهم من أبسط الناس'.

واستكملت لطيفة حديثها، وقالت: 'فيلم سكوت هنصور القصة بتدور حول مطربة مشهورة وبيتنصب وبيتضحك عليها، ومكنش سني يعطي إن روبي تبقى بنتي، بس مكنش فيه عقبة، وكان اللي هيقولي عليه يوسف شاهين هعمله'.

وأضافت: 'يوسف شاهين قالي فيه مشاهد متحطيش مكياج ويدخل للماكييرة الفرنساوية يقولها متخليهاش تطلع حلوة وأنا كل حاجة كان بيقولها كنت بنفذها'.

وتابعت: 'رفضت مشهد جريء في فيلم سكوت هنصور، كان اتطلب مني حاجة وأنا رفضت من الأول إني مش هعملها وجاني يوسف شاهين بعدها، المشهد الجريء مكنش محطوط في السيناريو وتم استحداثه قدام الكاميرا وقتها قولت ستوب مش هعمله وخرجت من مكان التصوير وجالي خالد يوسف قولتله مش هعمله وهديكوا الأغاني هدية وأنا بنسحب من العمل علشان المشهد بعدها الأستاذ يوسف زعل وقال فركش تصوير وبعدها جاني وقالي أنتي عارفة إني أصريت تعملي المشهد علشان شايف فيك فنانة مشوفتهاش من سنوات بس في الآخر معملتش المشهد'.

واختتمت حديثها، وقالت: 'اللي وقف معايا في الموقف دا كان الفنان أحمد وفيق وقالهم هي قالتلكم من الأول مش هتعمل المشهد ده من الأول ومش هتعمل مشهد القبلات وفعلًا عملنا الفيلم من غير القبلات'.