لقاء الخميسي توجه رسالة للجمهور: الفنان موجود عشان خاطر يبسطكم

أثارت الفنانة لقاء الخميسي الجدل الساعات الماضية بعد أن وجهت رسالة قاسية لبعض الصحفيين الذين يحرفون تصريحات الفنانين، مشيرة إلى أن الفنانين يعانون من أزمات نفسية وعائلية.

لقاء الخميسي توجه رسالة لمتابعيها

قالت لقاء الخميسي في فيديو نشرته عبر القصص المصورة بحسابها على إنستجرام: رجاء من كل الناس اللي بتتابع السوشيال ميديا، اللي بيحب حد يدخل عنده ويقوله كلمتين حلوين أو يصمت، مبتحبش متقولش ممكن نختلف في الآراء، لكن لازم نتعلم إزاي نحترم الاختلاف.

لقاء الخميسي

وتابعت: «ياريت نبطل نهين بعض، ونرفض أفكار بعض كل واحد زي ما اتربى، وكل واحد وثقافته وكل شخص ليه تفاصيله ومعتقداته وأفكاره وثقافته، فلازم نحترم بعض على قد ما نقدر، ولا يصح أن أهاجم حضرتك.. الحاجة بقت تزهق بصراحة».

لقاء الخميسي تتحدث عن الممثلين وأزماتهم

وأضافت لقاء الخميسي حديثها، وقالت: «الممثل عنده نفس التفاصيل اللي بتمر بيها.. أزمات نفسية ومادية وعائلية ومشاكل ومنحبش نوريكوا مشاكلنا، إحنا موجودين في الدنيا علشان خاطر نبسطكم ونفرحكم ونقدملكم محتوى يغير مودكم».

لقاء الخميسي

واختتمت حديثها، وقالت: «إحنا بنيجي على نفسنا علشان نبسطكم، وبنحب شغلتنا وبنحبكم، فرجاءً حِبونا شوية وادونا هوا، وشوفونا بني آدمين طبيعين.. عندنا مشاكل وصدقوني مفيش حد في العالم معندوش مشاكل.. كل واحد ربنا بيديله على قد قدراته.. الرحمة حلوة ياجماعة».

تصريحات لقاء الخميسي السابقة

تحدثت الفنانة لقاء الخميسي عن موقفها مع التحرش، بجانب علاقات الصداقة في حياتها، ورأيها في قائمة الزواج بعد الجدل الكبير الذي أثير مؤخرًا.

قالت لقاء الخميسي في تصريحات تلفزيونية لها: «عندي صحاب ولاد كتيرة أوي صحابي الولاد أكتر من البنات ومحمد متقبل دا، لأن فيه ناس أعرفهم من قبل ما أعرفه، ومنهم 2 مقربين وكمان فيه ناس في الوسط».

واستكملت لقاء الخميسي قائلة: «طالما العلاقة في مقامها الصح فتمام، مفيش مشكلة، كنت وقعت في الحب في عمر 15 عامًا، بعد أن تعرفت على الولد أثناء دراستي وكان آخرنا في الحب نظرات إنما الجيل الجديد دلوقتي عامل تألق».

وتابعت لقاء الخميسي: «أول حب في حياتي كنت 15 سنة،و كان تلميذ عند بابا وكان أبيضاني وعينيه زرقة وكيوت ولذيذ وفاكرة أول مرة سلم عليا فيها وعينه جت في عيني قعدت 3 أيام مش عايزة أغسل إيدي».

واستنكرت الفنانة فكرة قائمة الزواج، موضحة أنها لم توقع عليها هي وزوجها محمد عبدالمنصف، لاعب المرمى الشهير وجهزا منزلهما بالاشتراك مع بعضهما.

لقاء الخميسي: فقدت النطق 15 يوما بسبب التحرش.. وأصدقائي الولاد أكتر من البنات

لقاء الخميسي تعلق على منتقدي الرقص في جنازة نجل جورج وسوف: «احترم الآخر»