لقاء سويدان عن صفعها لـ ميدو عادل: هقول اللي حصل في التحقيق

ياسمين حمادة 26 سبتمبر 2023 | 06:11 مساءً

كشفت الفنانة لقاء سويدان تفاصيل جديدة في أزمة صفعها للفنان ميدو عادل، وذلك من خلال مقطع فيديو جديد ظهرت خلاله وقالت: «أنا مش عايزة أرد رغم أني بتهاجم في البرامج».

وتابعت لقاء سويدان في الفيديو الذي نشرته عبر حسابها الرسمي بموقع انستجرام: «لأنهم بيتصلوا بيا وبيقولوا إعملي مداخلة في التليفون وتعالي عشان تردي، هل أنا المفروض أروح برنامج أنا عارفة أن هيبقى في هجوم وهتبقي لو في مشكلة هتكبر ونقعد نتبادل بقى».

تصريحات لقاء سويدان عن ميدو عادل

وأضافت: «لو في خلاف بيني وبين زميل مش هطلع أشتم فيه في برنامج دي مش أخلاقي، أنا برفض أطلع في برنامج عارفة إنه هيجرني لخلاف أكبر من اللي موجود ف اتشتم معنديش مشكلة ياما في نجوم أكبر مني واتشتموا.. مش هقول بالظبط إيه اللي حصل».

واستكملت الفنانة لقاء سويدان قائلة: «أنا هقوله قدام جهات التحقيق الموضوع من 26 أغسطس وأنا مقدمة مذكرة مش عشان حاجات حصلت في حقي أنا بس لكن عشان تجاوزات كتير حصلت، أنا ست متربية في المسرح من وأنا صغيرة».

لقاء سويدان وميدو إمام

أزمة لقاء سويدان وميدو عادل

واختتمت: «اشتغلت مع سعاد حسني وأحمد زكي وأنا عندي 9 سنين سنة 1983 ولكل الناس أنا عندي 49 سنة ومش متضايقة من سني، وأه أنا كبيرة الحمد لله بصحتي ومبسوطة أن ربنا مديني صحة وشكل مناسب ليا في السن دا».