لقطات مثيرة للجدل بعيد ميلاد زوجة حمو بيكا.. سيارة «بورش» هدية وحضور طليقة شاكوش

أثار مؤدي المهرجانات حمو بيكا ضجة واسعة وجدلًا كبيرًا خلال الساعات الماضية، بسبب احتفاله بعيد ميلاد زوجته شمس في احتفالية خاصة وبهدايا باهظة الثمن.

وحضر عيد ميلاد زوجة حمو بيكا عدد من الأقارب والأصدقاء المقربين ومؤديين المهرجانات، وفاجأ مؤدي المهرجانات زوجته شمس بـ هديتها، وهي سيارة بورش.

عيد ميلاد زوجة حمو بيكا

كما شهد عيد الميلاد حضور ريم طارق طليقة حسن شاكوش، وقال حمو بيكا خلال الاحتفال لزوجته شمس: «حب حياتي شمس المجرة، كل سنة وأنتِ طيبة يا ست البنات».

وتابع: «وعقبال مليون سنة وأنتِ جنبي حبيبتي وبنتي وصاحبتي وكل دنيتي أم تاج بعشقك وبموت فيكِ يا ست البنات».

أزمة حمو بيكا ونور التوت

وقبلها بساعات، حرر مؤدي المهرجانات حمو بيكا بلاغًا ضد المطرب الشعبي نور التوت، في قسم شرطة العجوزة، حيث اتهمه بالتشهير به وسبه وقذفه.

وهاجم مؤدي المهرجانات الشعبية نور التوت، زميله مؤدي المهرجانات حمو بيكا، إذ هدده بفضحه واتهمه بسرقة 200 ألف دولار عن أعمال غنائية طُرحت عبر قناته على يوتيوب.

خرج نور التوت، في بث مباشر عبر حسابه بموقع التواصل الاجتماعي فيسبوك، وقال: 'أنا كنور التوت وعلي قدورة وفيجو الدخلاوي'.

وتابع: 'هتكلم عن نفسي وبقول أنا اتسرقت في 200 ألف دولار من حمو بيكا، قناة مزيكا هي اللي إدته الفلوس، الفلوس دي بتاعة القناة اللي إحنا شقيانين عليها بقالنا 5 سنين، أخد 200 ألف دولار وبيقول أنا دافع فلوس لـ الضرائب'.

واستكمل نور التوت حديثه، وقال: 'طب أنا هروح الضرائب وهنعرف كل واحد عليه كام وهيعرف كل الكلام ده، حمو بيكا واخد 200 ألف دولار على حسنا نور التوت وعلي قدورة وفيجو الدخلاوي'.

وأضاف: 'احنا فلوسنا بيتركب بيها عربيات وبيتجاب بيها شقق وحاجات ياما، أنا الحمد لله معايا عربيتي وشقتي، بس ده شقايا وتعبي، أنا أقسم بالله مش هسيب شقايا وتعبي لـ حد'.

وأردف نور التوت كلامه، وقال: 'بنسأل فلوسنا فين بيقولوا بيكا واخد وإحنا منعرفش، أنا حقي هاخده منك بالقانون، اتضحك علينا في 200 ألف دولار من حمو بيكا'.

وواصل: 'احنا فلوسنا بتضيع وبيتجاب بيها شقق وعربيات وكل حاجة، وأنا هقلب عليك الدنيا كلها والضرائب، أقسم بالله والكعبة اللي زورتها مش هسيبلك جنيه من شقايا وتعبي يا بيكا، وأنا وأنت والقانون والضرائب، والحفلات اللي كل حفلة بـ مليون جنيه'.

واختتم نور التوت حديثه، قائلًا: 'أنا عايز الناس تقف معايا، أنت واحد بتقول محدش بيعرف ياخد معاك حق ولا باطل، في قانون، بيقولي دفعت الـ 200 ألف دولار في الضرائب، ضرائبك على إيه؟ الحفلات أم مليون جنيه؟ ولا الإعلانات؟ ولا البرامج، أنا هفضحك'.

حمو بيكا

حمو بيكا

حمو بيكا

حمو بيكا

حمو بيكا