لماذا يظهر محمد الشرنوبي شرير في كل أدواره مع محمد سامي؟.. الفنان يعلق

تحدث الفنان محمد الشرنوبي عن مشاركته في مسلسل إش إش، والتحديات التي واجهت شخصيته بالعمل.

قال محمد الشرنوبي عبر تصريحات تلفزيونية: «المخرج دائمًا شايفني وحش، وأول ما محمد سامي بعتلي الأسكربت قلت له أنت ليه شايفني كده؟».

محمد الشرنوبي مسلسل إش إش

وتابع: «بوده وحش ومختار برضه وحش، وعشان كان الشخصيتين وحشين ومع مي عمر، الناس كتبوا ليها: أنت دائمًا مش بتتعلمي من غلطاتك».

واستكمل محمد الشرنوبي قائلًا: «تجربة مسلسل إش إش لذيذة أوي، وحاببها جدًا، والحمد لله ناجحة جدًا، ومبسوط أني أنا ضمن منظومة ناجحة كده وابتدت الشخصية تظهر فيها جانب إنساني شوية، وبدأ يبان شوية إنه ندمان ومكنش عايز يعمل كده معاها. معرفش بقى إيه اللي هيحصل بعد كده، خلونا نشوف مع بعض».

أغنية محمد الشرنوبي في مسلسل 80 باكو

وفيما يخص أغنيته في مسلسل 80 باكو، قال: «بحب الأغنية دي أوي، أغنية قريبة لقلبي، والأغنية كلمات وألحان خالد عصام، وتوزيعي، وحاجة بحبها عشان أتولدت على إيدي كده».

محمد الشرنوبي