«لم يتمالك دموعه».. موقف تسبب في اكتئاب صالح عبدالنبي عامين

تحدث الفنان صالح عبدالنبي عن موقف صعب تعرض له من صديقه، ولم يتمالك دموعه.

قال صالح عبدالنبي عبر تصريحات إعلامية: «من 12 سنة كان عندي صالون حلاقة وكان حد صاحبي جدًا وكانت حالته صعبة شوية وكان عايز ياخد قرض من البنك وعايز ضمان وعايز حد يضمنه».

اكتئاب صالح عبدالنبي

وتابع: «وأنا معرفتش أضمنه غير إني اكتب له المحل باسمه إن هو اشتراه مني بورق شرعي عملت له الورق وخلاص المحل بتاعه بعدها بيومين لقيت واحدة ست بتدخل المحل بتقولي أنت بتعمل إيه ده المحل بتاعي».

واستكمل صالح عبدالنبي: «كانت صدمة ليا قعدت سنتين مكتئب ولغاية دلوقتي المحل ده جنب بيت أهلي ولما بروح لازم بشوفه، قعدت سنتين مش باكل ولا بشرب ولا بروح الجيم ومش بكلم حد وبعدين قلت مش هزعل تاني في حياتي».

تصريحات صالح عبدالنبي

واختتم: «قررت أسيب لبنان وسافرت دبي قعدت سنتين تقريبًا بعدين قلت عايز أرجع مصر وأخد ورش تمثيل واشتغل على نفسي أكتر وحجزت أول ورشة وأنا في دبي، ودايمًا بقول كتر الصحاب حواليك مش حلوة لأنك مش هتعرف تختار غير لما يبقوا قليلين».