«لولاك ماكنتش هبقى موجود هنا».. شيكابالا مودعًا أمير مرتضى منصور: «هناخد كأس مصر ونهديه لك».. فيديو

ودع أمير مرتضى منصور المشرف السابق على كرة القدم بالفريق الأول لنادي الزمالك، اللاعبين أمس الأحد، في جلسة خاصة معهم، أبلغهم خلالها باستقالته من منصبه، على خلفية قرار إيقاف واستبعاد مجلس إدارة القلعة البيضاء برئاسة مرتضى منصور.

ووجه محمود شيكابالا، رسالة خاصة إلى أمير مرتضى منصور، قال له فيها نصًا: «احنا بنشكرك كلاعيبة كل اللاعيبة دي أنت عملت معاهم حاجات كتير كويسة وأي حد محتاج حاجة كنت بتعملها له».

وأضاف شيكابالا: «فريق الزمالك الموجود حاليًا ده يحسب لك وأنت اللي جايب كل اللاعيبة دي سواء أشرف بن شرقي ومحمد أوناجم، وانت اللي مرجعني أنا شخصيًا ولولاك أنا ماكنتش هبقى واقف الوقفة دي النهاردة.. أنت هتفضل موجود معانا سواء من هنا أو برة النادي».

واختتم شيكابالا حديثه: «أنت يا أمير أخونا وصاحبنا وكل حاجة وأنا بقول لك زي ما وعدناك الماتش اللي جاي واللي بعده في كأس مصر هنكسب فيهم وناخد البطولة ودي هتكون الحاجة اللي بنشكرك بيها».