ليلى عز العرب: بنتي محبوسة خارج مصر بسبب طليقها وبحس إني عديمة الحيلة

كشفت الفنانة ليلى عز العرب، تفاصيل خلافها مع أحد المنتجين، بجانب معاناة ابنتها بسبب طليقها.

قالت ليلى عز العرب عبر تصريحات تلفزيونية، عن خلافها مع أحد المنتجين: «أولاً لسانه فالت، وعصبي، اتلطعنا في الشمس عشان غيّر الاسكربت فجأة وقلب الدنيا خالص، وكان دوري كويس جدًا، صورنا يوم في العباسية وتاني يوم كان وسط شارع المعز».

تصريحات ليلى عز العرب

وتابعت: «كنا قاعدين في الشمس حوالي 6 ساعات وبعدين أسفين يا أستاذة مش هنصور، ودي كانت النهاية ومقدرش أقول عملت ولا قولت إيه».

وفيما يخص قصة معاناة ابنتها، قالت ليلى عز العرب: «مبحبش حد يطبطب ولا يقولي مالك.. عندي مشاكل تختص ببنتي وأحفادي».

الفنانة ليلى عز العرب

معاناة ابنة ليلى عز العرب

واستكملت: «بناتي وأحفادي خارج مصر وعندها مشاكل مع جوزها السابق ومانعهم ييجوا مصر، محبوسة مش عارفة تنزل ودي أكتر حاجة واجعاني».

واختتمت ليلى عز العرب: «المشاكل بينها وبين زوجها منذ 7 سنوات، وأنا اللي بضطر أروح لها ومبقتش أحب أسافر السفر بقى إزعاج من أول كورونا ما بدأت، نفسي ربنا يديني العمر لغاية ما أحفادي يكبروا وييجوا مصر، وربنا مهونها بالتكنولوجيا إننا نقدر نشوف بعض، ولو هي قررت ترجع مصر هياخد منها الولاد، وهي مش عارفة تتصرف وأنا بحس إني عديمة الحيلة».

ليلى عز العرب