ليلى علوي بعد فوز مصر على نيوزيلندا: الحلم لسه عايش

حرصت الفنانة ليلى علوي على الاحتفال بفوز منتخب مصر على نيوزيلندا، فجر اليوم الاثنين، في كأس العالم 2026.

نشرت ليلى علوي وهي تحتفل في فيديو عبر حسابها الرسمي بموقع فيس بوك، معلقة: «مصر بتفكر العالم إن الحلم لسه عايش وإن الفرحة لما بتطلع من قلب المصريين بتبقى غير أي فرحة».

ليلى علوي تحتفل بفوز مصر على نيوزيلندا

وتابعت: «النهاردة كان أكتر من مجرد فوز دا كان لحظة فخر لحظة أمل ولحظة جمعت قلوب المصريين في كل مكان على نفس الدعوة ونفس الفرحة من أستراليا كان قلبنا معاكم في كل دقيقة عشنا الماتش بكل إحساسه وبفرحته الكبيرة».

واستكملت ليلى علوي: «مبروك لمنتخبنا فوز غالي وروح عظيمة شرفتونا فرّحتونا ورفعتوا راسنا قدام الدنيا كلها.. دايمًا فخورين بيكم في أي وقت وفي أي مكان لأن مصر لما بتفرح فرحتها بتوصل لكل ولادها مهما كانت المسافات بعيدة».

فوز منتخب مصر على نيوزيلندا في كأس العالم

واختتمت: «مبروك يا منتخبنا الغالي مبروك يا مصريين لسه الحلم مكمل ولسه مصر قدّها وقدود تحيا مصر».