مأساة أحمد مع مرض غريب: الناس بتتريق عليا ونفسي أعيش حياتي طبيعي

رصدت الإعلامىة نهال طايل خلال حلقة برنامج تفاصيل المذاع على قناة صدى البلد 2، مأساة الشاب «أحمد» ومعاناته مع مرض السحلية.

قال «أحمد» صاحب الـ35 عاما، خلال حواره ببرنامج تفاصيل، «أنه يعانى من مأساة حقيقية مع مرض الشيخوخة المبكرة «الناس بتتنمر عليا ونفسي أعيش حياتي طبيعي من غير تنمر».

وأضاف «أحمد»، «منذ أولى ابتدائي وأصحابى فى المدرسة كانوا يتنمرون علي، وبعد اليوم الدارسي روحت البيت وحكيت لوالدى اللي حصل معايا وقولتله عاوز أسيب المدرسة وماكملتش تعليمي بسبب التنمر».

وتابع أحمد «أنا بقول للناس اللى بيبصلى البصة دى ياجماعة أنا خلقت ربنا إنت كده بستهزأ بحاجة ربنا اللى صانعها» موضحا «الناس مش عاوز تستوعب مرضي، وأنا بزعل من التنمر أكتر حاجة بتزعلنى».

وأوضح أحمد، «الناس بتقولى اللى إنت فيه ده عيب خلقى، وأنا بقولهم ربنا مابيخلقش حاجة فيها عيب أى حاجة ربنا بيخلقها بتكون ميزة والميزة الحمد لله إن أنا صابر باللى أنا فيه».

وحكى أحمد موقف تعرض له قائلا: «كنت ماشى فى الشارع وفى واحدة معاها ابنها عشان تخليه يسكت خوفته بيا قالته لو مسكتش هخلى العفريت ده يجيلك، مضيفا أنا من جوايا زعلت جدا لما سمعتها بتقول كده».

وتابع: روحت البيت حكيت لأخويا، قالى أعمل فيديو على «التيك توك» واحكى اللى حصلك عملت كده، فعلا عملت واتبسطت جدا من ردود الناس كلها اللى وقفوا معايا، واختتم حديثه «أنا راضى بقضاء ربنا وعاوز الناس تسيبنى في حالى».