مؤلف سفاح الجيزة يوجه رسالة للممثلين: الفنان يبلع ريقه وما يتكلمش أحسن

علق المؤلف محمد صلاح العزب، مؤلف مسلسل سفاح الجيزة، على الأزمة الأخيرة التي حدثت بين الفنانين والجمهور.

وكتب محمد صلاح العزب، عبر حسابه الشخصي على موقع التواصل الإجتماعي فيسبوك: مفيش حاجة اسمها أقول للجمهور وجه لي نقد بناء، ناقص أقوله ادرس تذوق فني ونقد ووريني شهادتك قبل ما تقول رأيك.

محمد صلاح العزب مؤلف مسلسل سفاح الجيزة

وتابع صلاح العزب: الجمهور يقول اللي هو عاوزه، ومفيش في الفن ولا التعليق عليه حاجة اسمها صح وغلط، لا الفنان بيعمل حاجة بتتقيم بصح وغلط، ولا رأي الجمهور ينفع يكون صح وغلط، أنت بتقدم فن، ورأي الجمهور رد فعل فني للفن ده.

وأوضح العزب: وعادي جدا لما الجمهور ينفعل على الفنان، وده الطبيعي في العالم كله، لكن اللي مش طبيعي إن الفنان يرد على الانفعال ده بانفعال تاني لأنه كده بيبقى رد رد فعل، وفاضي.

وأضاف صلاح العزب: الفنان بس يبلع ريقه وياخد نفسه ويعد لحد مليون قبل ما يتكلم وما يتكلمش أحسن.

وكان جدال حدث بين الفنانة داليا شوقي والجمهور بعد عرض مسلسل سفاح الجيزة الذي كانت تشارك فيه.