مؤلف مسلسل صوت وصورة يثير الجدل قبل عرض الحلقة الأخيرة: كسبنا الرهان

كشف محمد سليمان عبد المالك مؤلف مسلسل صوت وصورة مفاجأة قبل عرض الحلقة الأخيرة، اليوم الثلاثاء 21 نوفمبر 2023 عبر إحدى المنصات الرقمية قبل عرضها غدًا الأربعاء على شاشة التلفزيون.

كتب مؤلف مسلسل صوت وصورة في منشور عبر حسابه الرسمي بموقع فيس بوك: «النهاردة الحلقة الأخيرة.. وهنعرف كلنا مين اللي قتل عصام الصياد».

مؤلف مسلسل صوت وصورة

وتابع: «المهمة ماكنتش سهلة أبدًا.. واللي اتحقق كان شبه مستحيل.. إزاي ممكن تغير قواعد اللعبة وتعمل مسلسل متصنف إنه خارج الموسم (أوف سيزون) بنفس جودة وتأثير مسلسلات رمضان في ظل اختلاف الميزانيات ومحدودية الإمكانيات، أو بمعنى آخر إزاي ممكن تصنع رمضانك الخاص؟.. إزاي في عصر الفيديوهات القصيرة والـ reels ومسلسلات الـ 3 والـ 7 والـ 10 حلقات والـ 15 حلقة ممكن تصنع دراما من 30 حلقة تحافظ فيها على المشاهدين سريعي الملل معاك لحد آخر حلقة».

واستكمل المؤلف محمد سليمان عبد المالك: «وتتغلب على عاداتهم في المشاهدة السريعة التيك أواي حتى وهما مزمزأين؟.. إزاي يتعرض المسلسل وسط أحداث سياسية إقليمية مرة وتقيلة على القلب والروح، وما يمرش مرور الكرام ولا كأنه اتعرض ولا حد حس بيه؟.. إزاي بعد نجاحين مهمين مع منتج فنان ومختلف زي تامر مرتضى ومشرف دؤوب على الإنتاج زي مصطفى العوضي نقدر نحافظ على النجاح ده».

مشاهدة مسلسل صوت وصورة الحلقة الأخيرة

الحلقة الأخيرة مسلسل صوت وصورة

وأضاف مؤلف مسلسل صوت وصورة قبل عرض الحلقة الأخيرة من العمل: «كمان نطلع بيه خطوات لقدام؟.. إزاي في عصر مرتزقة الفن من ناحية، ومدعي الثقافة والعمق من ناحية تانية، تقدر تقدم عمل جماهيري ناجح بسيط، الناس تشوف فيه نفسها وتتورط مع الشخصيات والأحداث؟.. إزاي في ظل سعار التنافس واستخدام لجان السوشيال ميديا في شن هجمات منظمة على الأعمال الدرامية بسكريبتات جاهزة وموحدة، تقدر كصانع تتجاهل كل ده وتعديه؟.. إزاي تقدم مخرج فنان مجتهد طموح زي محمود عبد التواب (توبة) في عمله المصري الأول مع كاست متميز من نجوم مهمين ووجوه صاعدة».

وقال مؤلف مسلسل صوت وصورة أيضًا: «وتبقى واثق فيه وتراهن عليه؟.. إزاي يكون العمل ده نقطة مهمة وفارقة في مسيرة كل الفنانين اللي شاركوا فيه سواء قدام أو خلف الكاميرا (وكلهم مواهب كبيرة ومهمة ومحفورة جوة القلب)؟ ده اللي حصل في مسلسل صوت وصورة.. أقدر النهاردة وبنهاية عرضه أقول إننا كسبنا الرهان».

واختتم الكاتب محمد سليمان عبد المالك: «إن كل المشاركين في العمل صدقوه وحبوه علشان كدة وصل للناس.. الصدق بيوصل، دايمًا والنجاح محدش بيقدر يخبيه أبدًا، وطبيعي يكون فيه سلبيات وعيوب لإن الكمال لله وحده، لكن المحصلة النهائية فاقت كل التوقعات.. بشكر كل اللي تابعونا وتحملونا، والحمد لله رب العالمين».

الكاتب محمد سليمان عبد المالك

مؤلف مسلسل صوت وصورة