ماجد المصري عن مشاركته في مسلسل إش إش: وافقت قبل ما اقرأ

كشف الفنان ماجد المصري كواليس مشاركته في مسلسل إش إش، مع المخرج محمد سامي والفنانة مي عمر.

قال ماجد المصري عبر تصريحات تلفزيونية: «كانوا دايمًا بيسألوني ليه مابنشتغلش أنا ومحمد سامي مع بعض، كنت بقول لهم محمد لما يلاقي دور متناسب معايا هيرفع السماعة ويكلمني».

ماجد المصري مسلسل إش إش

وتابع: «فعلا جالي مكالمة، كنت رايح في طريقي لفيلم الغربان وكان معايا آدم ابني، ولقيت محمد سامي بيكلمني وبيقول لي أنت بتعمل إيه السنة دي، قولت له لسه ماتعاقدتش على حاجة، قال لي: اسمع كدة خط الشخصية ده وحكى لي رجب الجريتلي، قولت له محمد أنا مضيت المسلسل ده».

واستكمل ماجد المصري: «قال لي: من غير ما تقرأ!، قولت له: والله من غير ما اقرأ، لأن الدور دا يتدفع عليه فلوس وأنا ومحمد بنفهم بعض من زمان، لأننا نعرف بعض من حوالي 20 أو 25 سنة، قبل ما يفكر في الإخراج».

أبطال مسلسل ماجد المصري

والمسلسل من بطولة مي عمر، محمد الشرنوبي، انتصار، الراقصة دينا، إدوارد، ماجد المصري، طارق النهري، عصام السقا، علاء مرسي، شيماء سيف، ندى موسى، إيهاب فهمي، خالد الصاوي، والعمل سيناريو وحوار محمد سامي ومهاب طارق وإخراج محمد سامي.