ماذا قالت سهير رمزى عن ياسمين صبرى؟.. فيديو

أكدت الفنانة القديرة سهير رمزي أنها لا تتابع المسلسلات الرمضانية خلال شهر رمضان نظرًا لانشغالها بالعبادات والطقوس الروحانية، مشيرة إلى أنها تفضّل مشاهدة الأعمال الدرامية بعد انتهاء الشهر الكريم.

وأوضحت سهير رمزي خلال مداخلة هاتفية، مع الإعلامية نهال طايل، ببرنامج تفاصيل، المذاع على قناة البلد، قائلة:'في رمضان الحقيقة أنتي شايفة الوقت عامل إزاي؟ مفيش وقت، مبلحقش يعني من صيام لقراءة قرآن لصلاة لتراويح.. خلصت'.

وأضافت سهير رمزي، قائلة: 'أنا بيني وبينك بشوف كل الحاجات دي بقى بعد رمضان، أبقى الدنيا قاعدة كده، وأشوف إيه اللي ممكن يتشاف، وأسمع بقى: ده حلو، ده وحش، ده كويس، أروح عليه إنما في رمضان الحقيقة ما بتفرجش'.

سهير رمزي: أنا بحب منى زكي

وفي ردّها على سؤال حول النجمة التي ترى أنها متميزة وتستحق الإشادة، قالت سهير رمزي: 'لا والله في كتير، في بنات كتير، أولاً في جيل جديد حلو طالع، حلوين قوي، أولاً أنا بحب منى زكي، دي أنا بعشقها، فنانة جميلة جداً جداً جداً، ومنة شلبي ممثلة قديرة، ونيللي كريم طبعاً ممثلة جامدة جداً، يعني مش عايزة أنسى حد من الجيل ده'.

سهير رمزي: ياسمين صبري الأقرب لتجسيد سيرتي الذاتية

وعن الفنانة التي ترى أنها الأقرب لتجسيد شخصيتها في حال تم تقديم عمل عن سيرتها الذاتية، أجابت النجمة الكبيرة سهير رمزي، قائلة: 'هو شكلاً في بنت قمر، اسمها ياسمين صبري، دي قمر، وهي الأقرب لتجسيد سيرتي الذاتية من حيث الشكل والتركيبة'.

ورغم إعجابها بياسمين صبري من الناحية الشكلية، عبّرت سهير رمزي عن تحفظها على فكرة تقديم السيرة الذاتية، قائلة: 'ولو إن أنا ضد حكاية إن إحنا نعمل السيرة الذاتية، أنا مش ضدها بمعنى الرفض، ولكن في أشياء خاصة قوي جوه الفنان، ولو ما طلعتش عشان أقولها، لو ما قلتش الصدق بالظبط، يبقى مفيش داعي إن أنا أقول'.