مالحقتش أفاديها .. خطيب البلوجر سارة يكشف مفآجات في حادث فقدان بصرها .. فيديو

ياسمين حمادة 01 مارس 2023 | 09:21 مساءً

روى مصطفى خطيب البلوجر سارة تفاصيل الحادث الذي تعرض له هو وخطيبته، وتسبب في فقدان بصرها، قائلًا: «مالحقتش أفاديها».

حادث البلوجر سارة وخطيبها

كنا خارجين وإحنا راجعين على الصحراوي بعد كوبري أبو الخير، داخت ووقفنا على جنب بتشرب ماية ولقيتها بتبص على شمالي وتقولي خلي بالك وبتصوت ولقيت واحد ببندقية وراح ضارب بعدها اتحركت على أقرب بنزينة، واستنجدت بالناس وكلمت صحابي وأهلي وروحنا على مستشفى العامرية».

وأضاف: «ركبت معاها سيارة الإسعاف وقولتها مش هسيبك وأنا جنبك، والناس اللي اتعرضولنا كانوا عايزين يسرقوا العربية وفيه محاضر ضدهم كتير وتخصصهم سرقة عربيات، ولما شوفتها صعبت عليا لأن هي نفسي وملحقتش أفاديها وأهلها شاكين إن الناس اللي ضربونا في عداء بيني وبينهم وإني السبب في اللي حصلها».

تصريحات مصطفى خطيب البلوجر سارة

وأشار مصطفى خطيب البلوجر سارة إلى أنه لا يريد أن يتسبب في مشاكل مع أسرتها، بسبب كلمات والديها له، ورفضهم التواصل معها أو مقابلتها.

كشف مصطفى خطيب البلوجر سارة تفاصيل الحادث الذي تعرضا له، وحقيقة تخليه عنها وتركه لها بعد أن فقدت بصرها، وذلك في لقائه مع الإعلامية نهال طايل.

مصطفى خطيب البلوجر سارة

قال مصطفى خطيب البلوجر سارة ببرنامج تفاصيل المذاع على شاشة قناة صدى البلد 2: «أنا متضايق ومظلوم وسمعت إني مروحتلهاش وإني ندل».

وتابع خطيب البلوجر سارة: «من يوم الحادثة بحاول أتواصل معاها وأهلها رافضين لكن روحت المستشفى تالت يوم قولتلها هتجوزك مهما حصل وده اختبار من ربنا وهنعدي ده مع بعض».