مايا دياب: كان نفسي أكون رئيسة دولة وعمليات التجميل سر جمالي

تحدثت مايا دياب الفنانة اللبنانية مؤخرًا حول رأيها الشخصي في قضية المساواة بين الرجل والمرأة، بجانب تفاصيل عمليات التجميل التي خضعت لها.

تصريحات مايا دياب

قالت الفنانة مايا دياب : «أنا خسرت أشخاص بسبب آرائي بس شايفة أنهم اللي خسروني مش أنا، ولو شخص بعد عني من أجل آرائي هو لا يستحقني».

تابعت مايا دياب في تصريحات تلفزيونية لها: «وأنا بتضايق لما بلاقي الفنانين بيتكلموا على المساواة بين المرأة والرجل بشكل سطحي، وبكون عايزة أقول للفنان أسكت وأقعد في بيتك أحسن».

مايا دياب

استكملت الفنانة اللبنانية قائلة: «وأنا قررت اسميها حياة المشاركة مش المساواة، أنا عايزة المساواة في القوانين والأحوال الشخصية والعمل لأني فرد في الدنيا ومش عايزة الراجل يبصلي على أني ست لا أنا عايزاه يتعامل معايا كإنسان زيي زيه».

عمليات تجميل مايا دياب

أضافت مايا دياب: «وفي النهاية أنا حياتي مش هتكمل بدون رجل لأنه الحب والحنان والعطاء والسند، وهو كل شيء في الدنيا زي ما أنا كل شيء بالنسباله، وعندنا في لبنان صراع أديان وطوائف بشكل بشع ومع ذلك كان نفسي أكون رئيسة دولة لأننا محتاجين امرأة قائدة لأننا تفكيرنا مختلف عن الرجل».

وتحدثت عن سر جمالها قائلة: «هو عمليات التجميل، و البنات اللي بتعمل عمليات تجميل بنات حلوة وأنا منهم كنت حلوة وبعد العمليات بقيت أحلى».

مايا دياب

أضافت مايا دياب: «بقينا نشوف فنانين مثاليين شكليًا لدرجة إن شكلهم لعبة، ودول فوتوشوب حتى جلدهم مش حقيقي، والجميع بيعمل عمليات تجميل وأنا لسة بعمل وبفتخر وبلاقي نفسي أحلى ودا اهتمام بالنفس، وده عصر الكارديشيانز وسموه عصر مايا دياب».

انتقادات مايا دياب

تتعرض الفنانة مايا دياب للعديد من الانتقادات والتي علقت عليها قائلة: «الانتقادات اللاذعة بتكون من النساء لأن الست معندهاش قدرة مادية أو قمع من جوزها وعيلتها، وبتغير من الست الحلوة ودي حقيقة لازم أقولها».

واختتمت: «أما الراجل بنلاقيه قاعد مع مراته وبيبص على الست اللي عاملة عمليات تجميل، ومعظم الأمهات بيخافوا من أزواجهم ودا مينفعش لازم الأم تكون لها رأي ولكنها بتخاف زوجها يطلقها، فلازم تتكلم مع الراجل وتتفاهم معه».

مايا دياب: «أنا فتحت بيوت ناس ومنهم بيغيروا مني عشان بعمل خير»

مايا دياب تتبرع بأفضل فساتينها من أجل الأطفال