«متدمر نفسيا».. عنبة يعلق على أزمة عصام صاصا ويوجه رسالة مؤثرة لأسرة الضحية

حرص عنبة على دعم عصام صاصا مؤدي المهرجانات تزامنًا مع أزمته الأخيرة، وقرار النيابة بضبطه وإحضاره عقب ورود تقرير الطب الشرعي بإيجابية تعاطيه مواد مُخدرة أثناء قيادته لسيارته أعلى الطريق الدائري، ودهسه أحد الأشخاص.

قال عنبة عن أزمة حادث عصام صاصا في فيديو نشره عبر حسابه الرسمي بموقع انستجرام: «أول حاجة إنا لله وإنا إليه راجعون، أنا طالع بقدم خالص التعازي لأسرة ضحية حادث عصام صاصا ربنا يرحمه ويصبركم».

عنبة يدعم عصام صاصا

وتابع: «أنا حاسس بيكم لأن بنت عمي ماتت من 4 سنين أو أكتر وهي في زهرة شبابها وهي بتعدي برضه العربية خبطتها وجريت محدش وقف ليها.. أنا عارف إن مفيش فلوس في الدنيا هتعوض ابنكم».

واستكمل عنبة: «ورسالتي لأهل الضحية أنا مش بلومكم في حاجة ربنا يصبركم موقف صعب أنتم متدمرين نفسيًا هنا وهو متدمر نفسيًا بس اللي عايزه أقوله هو مش بيخبط أي حد ومش بيدوس على الناس بفلوسه».

عنبة

أزمة حادث عصام صاصا

واختتم حديثه عن أزمة عصام صاصا: «بلاش حد يفهمكم حاجة عن الراجل اللي أنتم مش شايفين حالته بسبب الحادثة دي، الله يرحم الشخص اللي مات، الناس اللي على النت طالعين بس عاملين ينتقدوا فيه ومحدش مهتم يدعى للراجل، وده اسمه استغلال وتريند أبوس أيديكم يا تعزوا الناس لتسكتوا أفضل».

وكان قد وجه عصام صاصا مؤدي المهرجانات رسالة مفاجئة بعد الإفراج عنه، وإخلاء سبيله من النيابة، بعد القبض عليه بسبب دهسه شخص بسيارته على الطريق الدائري.

كتب عصام صاصا عبر خاصية الستوري التابعة لحسابه الرسمي بموقع انستجرام: «الحمد الله على قضاء ربنا اللهم لا اعتراض.. ربنا يرحم الراجل اللي أنا هفضل شايل ذنبه طول عمري».

وتابع: «بس ربنا شاهد على اللي حصل، ومحدش هيحس باللي أنا شوفته وعيشته الساعات اللي فاتت.. ربنا يصبر أهله ويرحمه، شكرًا لكل أخواتي اللي سألوا عليا وشكرًا لكل الناس اللي دافعت عن عصام صاصا».

واختتم عصام صاصا: «شكرًا للناس اللي عارفة أن عصام لا يمكن يأذي حد بس ده قضاء ربنا.. وأنا طبعًا ليا حق الرد بس أنا فعلًا تعبان جدًا واللي أنا فيه مش سهل ياريت تقدروا ده ولما أحس إني بقيت أحسن شوية هوضح كل حاجة».

عصام صاصا

عصام صاصا