مجدي الهواري يكشف عن كوميديا بفيلم «الباشا تلميذ»

تحدث المخرج مجدي الهواري عن كواليس مشهد في فيلم «الباشا تلميذ» مع الفنان حسن حسني، ورامز جلال .

وكتب «الهواري» عبر حسابه الشخصي على موقع تبادل الصور والفيديوهات «انستجرام»، «من كواليس المشاهد التي لا تنسي من أفلامي للعظيم حسن حسني .. وكريزة ضحك أخري لم تتوقف لمدة نصف ساعة بسبب مفأجاة عم حسن علي الهوا وهو بيقول اعقلوا الكلمة».

وأضاف، «فاجئنا فاضحكنا كلنا فضحك كريم عبد العزيز ومقدرش يوقف ضحك من ساعتها لحد النهارده .. كل مانفتكر انا وهو ورامز جلال يوم تصوير المشهد ده تلقائية عم حسن حسني نضحك والله لحد دلوقتي وبعدين قال ' اسال شهاب ولا انت مبتنزلش».

وتابع، «بشكل تلقائي دون المساس بالنص أو بكلام المشهد وكل ده في الشوت علي الهوا وعفوي .. اتفرجوا علي الفيلم وشوفوا ضحك كريم عبد العزيز الحقيقي والله مكنش بيمثل . رغم إعادة التصوير للمشهد ٢٦ مرة وفي الأخر اضطرنا نأخد المشهد بضحكة الحقيقي».

واستطرد، «لأننا لم نستطيع السيطرة علي الناس ديه لما تتجمع في مشهد .. غير كتير مواقف في الفيلم عايز اكتب عنها سنة كاملة .. وتبقي احكي كمان علي موقف .. خالد الصاوي وأسرة مع بعضينا في طابا وربنا يستر علي الله هيحصل لأول مرة نشر هذه المواقف .. وبالذات في مشاهد اللي بتجمع حسن حسني مع كريم عبد العزيز زي مشهد يافاشل يافاشل ».

مجدي الهواري: أحمد عز صاحب فكرة تكريم مؤمن زكريا.. فيديو

عزة مصطفى لمؤمن زكريا: «بحبك وبدعمك».. فيديو