محامية زوجة حسن شاكوش: هنخاطب محكمة الأسرة بشأن وثيقة الزواج الأولى

كشف هايدي الفضالي، محامية ريم طارق زوجة حسن شاكوش، مستجدات أزمة موكلتها ومطرب المهرجانات وذلك بعد استدعاءه أمس من جهات التحقيق بعد اتهامه لزوجته بسرقة نصف مليون جنيه.

أزمة حسن شاكوش وزوجته

وقالت هايدي الفضالي، في تصريحات تلفزيونية، أن مطرب المهرجانات حسن شاكوش مثل أمس أمام جهات التحقيق لكشف ملابسات أزمته مع زوجته واتهامه لها بسرقة أمواله.

وأضافت محامية زوجة حسن شاكوش: «علشان ده ملف جواز وطلاق، والناس ديه لما أتجوزت كانت تريند، جهات التحقيق استدعت شاكوش علشان اتهامات بسرقة نص مليون، وقال كلام مش عايزه أقوله، ولجان إلكترونية تدخل، أي إهانة ليها المفروض تكون إهانة ليك قبليها، حتى لو هي ست وحشة ومش كويسة، لو حد غلط فيها وهي على ذمتك يبقى غلط فيك انت، هي شرفك وعرضك واسمك».

واستطردت محامية زوجة حسن شاكوش: «هنا مش بدافع عن ريم بدافع عن مبدأ، لو واحد اتجوز واحدة وبقت في بيته ميسمحش يقول عليها نص كلمة، والمفروض يمنع اللي يتكلم عليه، هغلط فيها هيهينك، ولما واحد مراته اتهانت يبقى هو اتهان، لما مراتي تتهان يبقى أنا مليش لازمة، ومش موجود، ما بالك بالراجل اللي بيهين مراته، ديه القضية بتاعتي، والمبدأ بتاعي، واللي عايز اتكلم فيه».

محامية زوجة شاكوش: وقعوا في المصيدة علشان القسيمة

وتابعت محامية زوجة حسن شاكوس: «وصلنا إن إحنا ماشيين في إجراءاتنا العادية، وهما وقعوا في مصيدة غريبة أوي، امبارح أعلنت أكيد وثيقة ببيانات صحيحة إن الزوجة مطلقة، و هنبدأ نخاطر محكمة الأسرة بأكتوبر علشان ناخد الوثيقة الأولانية، مش المميكنة، وقولت ديه إشاعات فعلًا مكتوب فيها إنها متجوزتش».

وأردفت محامية زوجة شاكوش: «هما وقعوا في المصيدة علشان هما معاهم القسيمة، راحوا النهارده عملوا بلاغ إنها أدلت ببيانات مزورة، ليه قاله كده علشان لما ذكرت في تصريحات صحفية، قولت لو أنا اكتشفت بعد ما أجيب الوثيقة وألاقي فيها حاجة مزورة أنا هقاضي المأذون أو من أدلي بالبيانات».

وردت محامية زوجة حسن شاكوش على تصريحات مطرب المهرجانات والتي تؤكد عدم علمه بزواج زوجته من قبل، وقالت: «النهارده قالي إنه ميعرفش إن هي مش متزوجة، وإزاي يوم الفرح معرفش إنها متزوجة، وفي تلفيق كبير، وهما وقعوا في المصيدة، وعملوا إجراء انهارده، ومين اللي هيجيب المأذون الزوج ولا الزوجة، المأذون بيدلي الخطبة إمتى».

واختتمت هايدي الفضالي محامية زوجة حسن شاكوش قائلة: «هناخد إجراءات قضائية ضد طليق زوجة حسن شاكوش، عشان نعرف هو طالع لوحده متبرع، ولا حد شجعه، ومش بستبعد حاجه، واللي ييجيي يقول معرفش إن هي متزوجة دي هرتله».

نهال طايل لزوجة حسن شاكوش: البرنامج ليس طرفا في أزمتك مع طليقك 

ملك قورة تسخر من محادثة حسن شاكوش وزوجته: «حبستك إزاي»