«محدش بيبص للتاني».. رامي جمال ينتقد تعصب جمهور الألبومات الصيفية

علق المطرب رامي جمال على المنافسة بين المطربين، مع طرح أكثر من ألبوم في موسم صيف 2026.

كتب رامي جمال في منشور عبر حسابه الرسمي بموقع انستجرام: «موسم جميل للموسيقى المصرية ألبومات كتير جميلة بس شايف حاجة مش عجباني إن جمهور الموسيقى بقى جمهور كورة أوي ومتعصب ولجان وناس تقلل من مجهود المطرب اللي مش بتسمعه».

وتابع: «على فكرة الصراع اللي بيتعمل ده المطربين نفسهم مش عايشينه يعني إحنا كلنا محدش بيبص للتاني وكلنا ناجحين وورانا شركات كبيرة وما بين نجاحنا وحفلاتنا وسفر وألبومات نحب طبعًا المنافسة بس أكيد اللي مش بيعجبك بيعجب غيرك والعكس».

واستكمل رامي جمال: «شايف كمان بعض النقاد اللي مش دارسين بيدخلو في النص بآراء ياريتها لو صح في الآخر.. مبروك لكل زمايلي اللي ألبوماتهم نزلت الموسيقى فن راقي وممتع وهدفنا أولا وأخيرًا سمعة الفن والبلد العظيم اللي بنمثله مصر».

واختتم: «أنا مبسوط جدًا باللي وصلتله واللي زمايلي وصلوله واللي أساتذتنا وصلوله واللي جاي أجمل للكل وأتمنى أنا شخصيًا إني أكون أحسن من اللي وصلتله وشكرًا لكل الجمهور اللي بيقدر الفن اللي بنقابله في كل مكان في مصر وكل الدول العربية».