محسن صبري بتصريح ناري : أنا مريض ببناتي وبحب السنجلة

كشف الفنان محسن صبري أسرار عن حياته الشخصية وعدد الزيجات في حياته، لافتًا إلى أنه كان يأخذ فترة بين كل زيجة وأخرى.

تصريحات محسن صبري

قال الفنان محسن صبري في تصريحات تلفزيونية له: «أنا اتجوزت 3 مرات، وناتج أول جوازة بناتي أمنية وحبيبة، أنا اتجوزت في سنة 30 وقعدت 10 سنين متجوز، وكنت محتاج أبقى سينجل، وبعد كده وقعت تاني».

وتابع: «واتجوزت تاني مرة من ست عظيمة الله يرحمها كانت سويسرية مصرية، ده اللي كان لطيف في الحكاية لأن يبدوا إني عندي أفكار شبه دي، وبعدين قعدت 8 سنين سينجل وبعدين اتجوزت أميرة والحمد لله راضيين بحياتنا جدًا، وهي تونسية ومتفهمة جدًا».

محسن صبري

محسن صبري وبناته

واستكمل الفنان محسن صبري قائلًا: «أنا بتمنى أن كل بنت تتجوز اللي يصونها ويحافظ عليها، ويعرف هي خرجت من بيت كان بيعاملها إزاي وبالتبعية يعاملها بنفس المعاملة اللي كان بيعاملها بيها أبوها وأمها، أنا فاكر أن بنتي أمنية لما اتقدم لها جوزها كانت الناس بتحذره أني مريض ببناتي».

واختتم: «وكانت فعلًا مقابلات عاصفة بيني وبينه في الأول، وأنا بحب السنجلة أني ببقى شخص مش مسؤول غير عن نفسي، وفيها مميزات لأي بني آدم».

محسن صبري