محمد أبو العينين: لما بيجيلي حد محتاج خدمة أو عاوز يحقق أمنية بقف جنبه ودي بتسوى كتير جدًا

أكد النائب محمد أبو العينين، وكيل مجلس النواب ورئيس اتحاد «برلمان من أجل المتوسط» أن علاقته بأهالي الجيزة علاقة حب ووفاء ممتدة، مشيرًا إلى أنه يعتبرهم أهله وعشيرته.

وخلال مقابلة أجراها النائب محمد أبو العينين في برنامج «حقائق وأسرار» الذي يقدمه الإعلامي مصطفى بكري على قناة «صدى البلد»، قال: الجيزة هم أهلي وأحبابي وأصدقائي وعشيرتي ومهما أديتهم مش هوفيهم ثقتهم فيا، وكل ما بننزل انتخابات أو بنعمل مبادرة، بينزلوا من نفسهم، وأتحدى أي حد يقول إن في انتخاب حد خد جنيه، هنا الشهامة والأصالة، وأنا بعشق شعب الجيزة.

وأضاف: الحمد لله، المكاتب بتاعتنا ما قصرتش في حاجة معاهم، ومش بتكلم على معونات، لأ، بتكلم على المطالب، لما يجيلك حد محتاج خدمة أو عاوز يحقق أمنية وتقف جنبه، دي بتسوى كتير جدًا، وربنا دايمًا بيوفقنا لأن نيتنا خير، عمرنا ما رفضنا طلب لحد وبنسعى نساعد الكل بقدر المستطاع.

وأشار إلى أن اهتمامه بخدمة الناس لا يقتصر على الجيزة فقط، قائلاً: مش الجيزة بس اللي ليها في قلبي مكانة، أنا أي حد بيطلب مني حاجة أقدر أعملها ما بتأخرش، وده في حد ذاته ثواب كبير قوي عند ربنا.