محمد أنور يجري عملية جراحية: «وقت المحنة بتتمني زوال النعم بس ترجعلك صحتك»

أعلن الفنان محمد أنور خضوعه لعملية جراحية ، بعد فترة من المعاناة والتعب الشديد.

وكتب «أنور» عبر حسابه الشخصي بموقع التواصل الاجتماعي «فيس بوك» : «أي واحد في العادي لما بتسأله إيه من نعم ربنا نفسك تكون عندك أغلب الناس بيتمني نعم كتير، وقليل اللي بيفكر في أهم نعمة وهي نعمة الصحة، للأسف دي النعمة الوحيدة اللي ما بتفكرش فيها غير لما يجيلك مرض أو تعمل عملية».

وأضاف، «ساعتها بتلاقي أبسط الأشياء اللي كنت بتعملها عادي زي دخول الحمام أو النوم بقى حلم من أحلامك وساعتها بتتمنى من ربنا زوال كل النعم اللي عندك بس ترجعلك صحتك».

وتابع، «معلش مش قصدي أبقى عميق والله، بس أصل أنا عملت عمليه صغيرة أوي واتعلمت منها كتير أوي، فقولت أكتب الكلام ده عشان لما أبقى كويس وأنسى النعمة دي الفيس بوك يفكرني».

يذكر أن الفنان محمد أنور عرض له مؤخراً مسلسل «إسعاف يونس» من 10 حلقات على أحد المنصات الإلكترونية، وشارك فى بطولته سارة سلامة، هشام محمد شرف، محمد علي رزق، إيمان السيد، منة عرفة، هناء الشوربجي، أحمد محارب، حسين حجاج، وآخرين، ومن إخراج معتز التونى.

محمد أنور يرد على تهنئة رانيا يوسف: «أنتي سبب فرحة الشعب المصري كله»

محمد أنور السادات: نختار مرشحي مجلس النواب على قدر تحديات مصر الدولية والإقليمية

الاتحاد السكندري يعلن ضم محمد أنور مدافع وادي دجلة