محمد التاجي عن خلافه مع محمد رمضان: لو اتريق عليا ربنا يسامحك

كشف الفنان محمد التاجي حقيقة خلافه مع الفنان محمد رمضان، وعلق على رد الأخير عليه بعد فيديو الدولارات التي ألقاها في حمام السباحة.

قال محمد التاجي عبر تصريحات تلفزيونية: «كان عمل مشهد الفلوس اللي رماها في حمام السباحة، فقولت حتى لو الدولارات دي مزيفة لأن مش ممكن الواحد هيرمي الفلوس كده».

محمد التاجي ومحمد رمضان

وتابع: «والفلوس مش كل حاجة أهم حاجة إن الواحد يعمل تاريخ، والحاجات الفرعية دي مش اللي بتدوم مع الناس».

وأضاف محمد التاجي: «ده اللي أنا قولته لكن ماعيبتش فيه ولا حاجة أنا مالي، وحد قالي إن هو رد عليا وقال أنت بتعمل التاريخ وأنا بفلوسي هشتري التاريخ، وبعدها مسح الرد».

محمد التاجي

آخر أعمال محمد التاجي

واختتم: «فهو لو كان قصده إنه بيمجد فيا فشكرًا يا محمد، ولو قصده يتريق عليا بقوله ربنا يسامحك، وهو من سن يمنى بنتي».

يشار إلى أن آخر أعمال محمد التاجي مشاركته في بطولة مسلسل العتاولة، الذي تم عرضه ضمن موسم دراما رمضان 2024 الماضي.